Accessibility Tools

NOVAS DO CONCELLO

- O conselleiro de Cultura e os directores de Turismo de Galicia e do Agadic asistiron ao espectáculo

- A música tradicional galega regresará a Valga o vindeiro 3 de noviembre coa actuación doutro dos grupos de referencia, Milladoiro

treixadura1

Valga, 1 de outubro de 2018.

Máis de medio milleiro de persoas abarrotaron na tarde de onte o Auditoiro Municipal para presenciar un dos concertos máis agardados dos últimos tempos en Valga, o que ofreceu unha das agrupacións máis representativas da música tradicional galega: Treixadura Durante case dúas horas, transmiteu forza, emoción e ledicia ao público cun repertorio no que non faltaron foliadas, pasodobres e muiñeiras e que serviu de presentación do seu último disco, “Inda Canto”, o sétimo en 28 anos de traxectoria.

Entre os espectadores que aplaudiron a actuación de Treixadura estiveron o conselleiro de Cultura, Román Rodríguez, e os directores de Turismo de Galicia, Nava Castro, e da Axencia Galega das Industrias Culturais (Agadic), Jacobo Sutil. Estiveron acompañados polo alcalde, José María Bello Maneiro, e outros membros do equipo de goberno.

O espectáculo de Treixadura puxo en pé ao público valgués. O grupo mantén dende os seus comezos un estilo moi recoñecible co que trata de poñer en valor e achegar ao gran público a música tradicional galega ao a través de composicións propias e antigas que respectan a tradición.

O concerto de onte foi cofinanciado por Turismo de Galicia e o Agadic a través do programa “Cultura no Camiño” e con el o grupo puxo fin a unha xira de verán que os levou a actuar nunha trintena de vilas e cidades de Galicia.

A música tradicional galega regresará ao Auditorio Municipal o vindeiro 3 de novembro coa actuación doutro dos grupos de referencia: Milladoiro. O concertó será gratuíto para o público, que previamente deberá retirar as entradas nas oficinas municipais.

 treixadura2 treixadura3

treixadura4 treixadura5

treixadura6 treixadura7

treixadura8 treixadura9

treixadura10 treixadura11

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver