- Terá lugar o día 8 de outubro, luns, entre as 12 e as 13:30 horas

- É unha actividade que conta coa colaboración da Escola Galega de Consumo

^{Valga, 28 de setembro de 2018.}

^{A Aula CeMIT ten aberta a inscrición para asistir a unha charla sobre “Publicidade no punto de venda” que terá lugar o vindeiro 8 de outubro, luns, entre as 12 e as 13.30 horas. Os interesados en asistir poden anotarse chamando aos números de teléfono 986 55 94 56 ou 986 55 67 69. A actividade diríxese a persoas a partir dos 16 anos de idade.}

^{A charla será retransmitida por videoconferencia dende a Escola Galega de Consumo. Nela analisarase a publicidade como o conxunto de estratexias coas que unha empresa dá a coñecer os seus produtos ao resto da sociedade. É, polo tanto, unha estratexia de marketing que busca situar os produtos no mercado para darlle paso ao consumismo activo.}

^{Coñecer as distintas ferramentas que se empregan na publicidade e noutras técnicas de marketing pode axudarnos nas nosas decisións de consumo, de xeito que non nos deixemos enganar e teñamos en conta outros criterios. Ademais, a conferencia afondará nos diferentes casos de publicidade ilícita co fin de detectala e así poder denunciala.}