- Está dirixido a persoas a partir de 16 anos que poden inscribirse chamando ao número de teléfono 986 55 94 56

- Os contidos centraranse no manexo básico dun ordenador

^{Valga, 27 de agosto de 2018.}

^{A Aula CeMIT de Valga retoma a súa actividade no mes de setembro e faino impartindo un curso de iniciación á informática de 21 horas de duración e que se prolongará ata mediados de outubro.}

^{Os contidos do curso centraranse no manexo básico dun ordenador: como encendelo e apagalo correctamente, manexar o rato e o teclado con soltura, familiarizarse co entorno de traballo e as ventás do sistema operativo, aprender a xestionar arquivos e carpetas (crear, copiar, eliminar…), crear, editar ou imprimir un documento cun editor de textos  e copiar un documento nunha unidade extraíble (disquete ou memoria USB).}

^{A actividade está dirixida a persoas a partir de 16 anos de idade, que poden inscribirse de forma presencial na propia Aula CeMIT ou chamando ao número de teléfono 986 55 94 56. Hai doce prazas dispoñibles.}