- Os estudantes matriculados recibirán formación simultánea no instituto e nas empresas, cobrarán unha bolsa de 350 euros e terán dereito a vacacións

- Estas novas condicións que se ofrecen tratan de incentivar o interese por parte do alumnado

^{Valga, 2 de xullo de 2018.}

^{O IES de Valga aumenta a súa oferta educativa de cara ao vindeiro curso e faino coa ampliación do ciclo medio de Soldadura e Caldeirería que, na modalidade de formación dual, imparten o instituto e unha decena de empresas de Valga e da súa contorna. Ademais, incorpora por vez primeira a Formación Profesional de adultos.}

^{En virtude do convenio asinado entre a Consellería de Educación e as empresas ODL, Stac, Aluminios Padrón, Gama e Hijos, Curvados Anros, Maimbar, Alfogar, Fundivisa e Thune Eureka, o IES de Valga oferta un segundo grupo da FP Dual de Soldadura e Caldeirería para o curso 2018/19. Está programado a dous anos e as empresas participantes comprométense a acoller un mínimo de trece alumnos.}

^{Introdúcense novidades a modo de incentivos para o alumnado, que cobrará 350 euros durante practicamente todo o curso –a diferencia de proxectos anteriores, nos que só cobraba durante a estadía na empresa unha vez rematada a formación no IES–. Ademais, os estudantes terán dereito a un mínimo de 30 días naturais de vacacións en cada un dos cursos. Outra novidade é que a partir de novembro a formación será simultánea, de maneira que polas mañás o alumnado irá ás empresas e polas tardes terán clase no instituto.}

^{Ademais, ofértanse por primeira vez nove prazas de Formación Profesional de adultos, cos mesmos módulos que na FP Dual de Soldadura e Caldeirería. Os requisitos para os matriculados son os mesmos que na FP ordinaria.}

^{REQUISITOS E PRAZOS DA FP DUAL}

^{Segundo contempla a Orde da Consellería de Educación do 14 de xuño de 2018, os candidatos do ciclo medio de FP Dual de Soldadura e Caldeirería deben cumprir os seguintes requisitos:}

• ^{Ter entre 18 e 29 anos no ano natural en que inicien os estudos.}
• ^{Cumprir os requisitos establecidos no artigo 41 da Lei 2/2006, como estar en posesión do título de Educación Secundaria ou ter superado a proba de acceso aos ciclos de Grao Medio.}
• ^{Carecer da cualificación profesional obtida e recoñecida polo sistema de formación para o emprego ou do sistema educativo, requerida para concertar un contrato en prácticas para o posto de traballo ou a ocupación obxecto do proxecto.}
• ^{Non ter realizado con anterioridade un contrato de formación e aprendizaxe e cumprir os requisitos establecidos na normativa laboral vixente para poder efectualo.}
• ^{Non ter superado ningún módulo profesional do ciclo formativo do proxecto solicitado, agás que fose cursando outro ciclo.}

^{As solicitudes deben tramitarse no IES de Valga xunto co DNI, certificación da titulación que presenta como requisito e curriculum vitae. A data límite é o 14 de setembro.´}

^{Para máis información os interesados poden poñerse en contacto co instituto a través do número de teléfono 881 151 980 ou do correo electrónico Este enderezo de correo está a ser protexido dos robots de correo lixo. Precisa activar o JavaScript para velo..}