- Un grupo de vinte rapaces participaron este curso nas sesións deportivas organizadas pola ANPA do CEIP Baño-Xanza

- O Auditorio acolle o venres o festival de verán da asociación cultural e xuvenil “A Eira”, con música e bailes

^{Valga, 26 de xuño de 2018.}

^{O Auditorio Municipal recibiu na tarde do domingo ao alumnado da academia de fitness de Graciela Viturro, entre eles unha vintena de rapaces aos que durante este curso impartiu sesións deportivas dentro das actividades extraescolares organizadas pola asociación de pais e nais do colexio Baño-Xanza.}

^{As demostracións de zumba e de body jump combinaron movementos de baile con rutinas aeróbicas, seguindo distintos ritmos latinos como a salsa ou o merengue. En total foron dez as coreografías que realizaron.}

^{O baile e tamén a música en directo serán tamén protagonistas do festival de verán da asociación cultural e xuvenil “A Eira”, que terá lugar o vindeiro venres, 29 de xuño, a partir das 20:30 horas no Auditorio. A entrada é de balde para todo o público.}

^{Máis fotos: https://www.facebook.com/media/set/?set=a.264358727445921.1073742004.131969484018180&type=1&l=284a08536e}