- O Concello quixo recoñecer o seu labor, tan importante antano e que hoxe en día aínda ten reflexo en acontecementos coma a Procesión dos Lacóns

- Divina López, unha das veteranas, desfilou coa cesta sobre a cabeza e Belén Tarrío falou en nome das protagonistas: “Ser porteadora é moito máis ca unha tradición; é unha maneira de facer comunidade”

^{Valga, 14 de marzo de 2026.}

^{O Concello celebrou o acto central conmemorativo do Día Internacional da Muller cunha homenaxe a máis de corenta valguesas. O recoñecemento recaeu, nesta ocasión, en portadoras de cestas. A imaxe destas mulleres transportando sobre as súas cabezas todo tipo de produtos e materiais aínda se mantén hoxe en Valga grazas á acontecementos coma a Procesión dos Lacóns, convertida en recurso patrimonial e cultural despois de máis dun século percorrendo, cada 2 de febreiro, parte da parroquia de Cordeiro.}

^{Estas mulleres, co seu esforzo, dignidade e valentía representaban fortaleza e compromiso coas súas familias e comunidades. A súa dedicación foi imprescindible para o funcionamento de moitas economías locais, especialmente en contextos onde a mobilidade e o acceso aos recursos eran limitados. Por iso o Concello quixo renderlles esta homenaxe, como recordatorio do legado cultural que representan e da importancia que antano tiña o seu labor.}

^{As homenaxeadas foron:}

• ^{Luz Divina López, de Vilar}
• ^{Encarnación Tobío, de Vilarello}
• ^{Mª José Lago, de Vilar}
• ^{Marisa Blanco, de Beiro}
• ^{Rosa Campaña, da Devesa}
• ^{Carmen Maneiro, de Vilarello}
• ^{Belén Tarrío, de Vilar}
• ^{Carmen Rodríguez, de Vilarello}
• ^{Nita Rodríguez, de Vilar}
• ^{Maritina Cerqueiras, de Vilarello}
• ^{Mª Luisa Rodríguez, de Vilarello}
• ^{Josefa Pérez, de Vilarello}
• ^{Laura Rey, de Vilarello}
• ^{Dulcelina Ferro, de Vilar}
• ^{Mª Elisa Bouzáon, de Vilar}
• ^{Ángela Rodríguez, de Vilar}
• ^{Irene Alver, de Vilar
  Mª Eva González, de Vilarello}
• ^{Mª Divina López, da Canle}
• ^{Nati Lagos, de Vilar}
• ^{Mª José Bandín, de Vilar}
• ^{Mª Gloria Eiras, de Vilar}
• ^{Beti Barreiro, de Vilar}
• ^{Amparo Freiría, de Vilar}
• ^{María López, de Vilar}
• ^{Rosa Mari Eiras, de Vilar}
• ^{Mª José Conde, de Vilar}
• ^{Mª Carmen Busto, de Vilarello}
• ^{Manola Rial Cruz, de Vilarello}
• ^{Charo Busto, de Vilarello}
• ^{Celia Furelos, das Eiras}
• ^{Lolita López, de Beiro}
• ^{Angelita Bouzón, de Vilar}
• ^{Maruja Cancela, de Vilar}
• ^{Pili González, de Vilar}
• ^{Cristina Pérez, de Vilar}
• ^{Encarnita Campaña, da Canle}
• ^{Montserrat Otero, de Vilarello}
• ^{Dolores Tobío, das Eiras}
• ^{Susana Castro, de Vilar}
• ^{Raquel Castro, de Vilar}
• ^{Maruja Campaña, de Vilar}

^{Todas elas asinaron no Libro das Mulleres e recibiron un diploma e varios agasallos de mans do alcalde, José María Bello Maneiro, das concelleiras Carmen Gómez, Begoña Piñeiro e Malena Isorna, e o edil José Ángel Souto.}

^{Divina López, unha das homenaxeadas máis veteranas, fixo unha demostración de como portar a cesta e, en representación de todas as protagonistas, Belén Tarrío, agradeceu ao Concello “que poña en valor o noso labor. Ser porteadora é moito máis ca unha tradición; é unha maneira de facer comunidade, de honrar ás que viñeron antes e de abrir camiño ás que virán. Que este recoñecemento sirva para lembrar que, cando as mulleres nos xuntamos, movemos o mundo”, dixo.}

^{No transcurso do acto, actuou a alumna do Centro Superior de Música Irene Vázquez, que cursa 4º curso na especialidade de piano e vén de gañar a medalla de prata nun certame de novos artistas en Polonia.}