Accessibility Tools

NOVAS DO CONCELLO

- Comisións veciñais dos distintos núcleos de poboación poden presentar os proxectos e solicitudes ata finais de xullo

- O Concello aporta os materiais precisos para executar as obras e outorgará gratificacións de 300, 200 e 100 euros

vvilar

Valga, 31 de maio de 2018.

O Concello convoca un ano mais o concurso “Embelecer Valga”, que pretende implicar á veciñanza no coidado e mantemento dos espazos públicos da vila. O certame premia ao lugar máis fermoso acondicionado e engalanado pola cidadanía, xa sexa no ámbito urbano ou rural do municipio, de maneira que os veciños dos diferentes núcleos de poboación poden agruparse coa finalidade de levar a cabo, de forma voluntaria e gratuíta, accións consistentes na limpeza, mellora, dotación de equipamentos ou ornamentación de paraxes públicos.

Para elo teñen que formar unha comisión veciñal na que un dos integrantes actúe como representante e presentar unha solicitude no Concello. Este documento debe estar asinado por un mínimo de tres membros do colectivo e acompañado dunha pequena memoria descritiva das accións de mellora a desenvolver e os materiais que se estimen precisos. Tamén se require unha reportaxe fotográfica do lugar no que se levarán a cabo as actuacións. Serán aceptadas todas aquelas solicitudes conformadas por residentes no concello de Valga, sempre e cando se considere viable a acción proposta. O prazo remata o día 31 de xullo.

O Concello facilitará todos os medios precisos para a execución dos proxectos aprobados e porá a disposición dos participantes os materiais necesarios para o desenvolvemento das obras e actuacións. Os servizos técnicos municipais realizarán un seguemento das accións en concurso, xirando inspeccións e ditando instrucións cando sexa preciso. O prazo de execución das obras rematará na terceira fin de semana de agosto.

O xurado encargado de valorar cada unha das actuacións estará presidido pola concelleira de Cultura e terá como vogais a un representante de cada comisión veciñais participante. Actuará como secretario o concelleiro de Facenda e Patrimonio. O proxecto mellor valorado será premiado cun agasallo, diploma e 300 euros e o segundo clasificado recibirá os mesmos galardóns coa excepción da cantidade económica, que ascenderá a 200 euros. As demais comisións presentadas recibirán un diploma e unha gratificación de 100 euros.

Na última edición foron dezaseis as comisións veciñais inscritas. O lugar gañador foi Vilar, con Barcia en segundo posto e Canle como terceiro clasificado.

As bases do concurso poden descargarse AQUÍ.

112

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver