- A necesidade de solo e a falta de man de obra cualificada foron algúns dos asuntos que se abordaron

- Case trinta representantes do sector asistiron á xuntanza anual de traballo organizado polo Concello

^{Valga, 5 de xaneiro de 2026.}

^{O conselleiro de Emprego, José González, o presidente da Deputación de Pontevedra, Luis López, e o alcalde, José María Bello Maneiro, participaron este mediodía na xuntanza anual cos empresarios de Valga, á que asistiron preto de trinta representantes dun sector fundamental para economía local. A xornada tamén contou coa presenza da concelleira de Formación e Emprego, Carmen Gómez; o secretario xeral de Emprego da Xunta, Pablo Fernández; e o delegado territorial en Pontevedra, Agustín Reguera.}

^{Extrugasa, Exlabesa, ODL, Comercial Dialsea, Transportes Jamardo, Electricidade Devesa, Montaxes Eléctricas Víctor Castiñeiras, Grupo Barton, Carpintería Valdeza, Transportes Touceda, Galival Music, Solucións Metálicas Jamardo, Distribucións Alfonso Lema e Serrerías Rodríguez foron as empresas representadas na xuntanza, na que se abordaron algunhas das principais problemáticas do sector. Outras compañías, como Urovesa e O Forno Garden non puideron asistir por compromisos de última hora.}

^{O alcalde reiterou a necesidade de que Valga conte canto antes co novo parque empresarial para poder resolver o problema de falta de terreos para ampliacións e novos asentamentos. “As obras da subestación eléctrica que subministrará a ese futuro parque están rematadas, polo que xa contamos con esa ferramenta fundamental” para que o proxecto poida facerse realidade. Ademais, “como consecuencia do plan de ampliación de Urovesa, as empresas situadas na zona do Carballiño tamén quedaron case sen terreos, polo que tamén é necesario dotalas de máis solo industrial”, subliñou Bello Maneiro. O obxectivo do Concello é que “as empresas estean a gusto aquí, sigan medrando en Valga e contratando aos nosos veciños. Se apostan por Valga, nós seguiremos apostando por elas”.}

^{Ademais do carencia de solo, outra das problemáticas que afectan ao empresariado é a dificultade para atopar persoal cualificado, para o que o conselleiro propuxo manter unha nova xuntanza cos empresarios para explicarlles as diferentes fórmulas ás que poden acollerse para formar traballadores.}

^{Tanto o conselleiro coma o presidente da Deputación puxeron en valor o potencial industrial do concello. “Valga é referencia en canto a tecido empresarial”, apuntou Luis López.}