- Representantes destes colectivos asistiron onte á gala Provincia Comunitaria, acompañados polo alcalde e a concelleira Carmen Gómez

- Durante o evento actuou a Coral Polifónica Santa Comba de Cordeiro, que estreou as novas tablets adquiridas coa subvención da entidade provincial

^{Valga, 10 de decembro de 2025.}

^{Doce colectivos veciñais de Valga recibiron durante este ano subvencións por valor de case 115.000 euros da Deputación de Pontevedra para adquisición de equipamento e execución de obras nos locais sociais, no marco do Plan Provincia Comunitaria, que trata de apoiar as accións que desenvolven estas asociacións e a súa importancia na cohesión social e territorial da provincia.}

^{Os colectivos valgueses que recibiron estas axudas son:}

• ^{Asociación vecinal, sociocultural e deportiva de Campaña: 9.999’56 euros para adquisición de equipamento para local social.}
• ^{Asociación veciñal de Balleas: 9.994’60 euros para obras de acondicionamento de local social.}
• ^{Asociación de veciños, cultural e deportiva de Cordeiro: 9.997’65 euros para pintado exterior do local e iluminación LED.}
• ^{Asociación de Mulleres Rurais e culturais Albor: 10.000 euros para acondicionamento do local da asociación.}
• ^{Asociación veciñal e musical Coral Polifónica Santa Comba: 9.989’76 euros para adquisición de equipamento.}
• ^{Asociación cultural e veciñal Amigos do Belén: 9.998’69 euros para peche dos xardíns exteriores do Belén.}
• ^{Asociación veciñal e cultural de Vilarello: 10.000 euros para mellora da casa dos veciños e adquisición de material para a asociación.}
• ^{Asociación cultural e veciñal de Casal de Eirigo: Adquisición de equipamento e limpeza do tellado do local.}
• ^{Asociación cultural e veciñal Santa Lucía e San Antonio: 8.207’49 euros para adquisición de material.}
• ^{Asociación veciñal e músico-cultural Vilar-Vilarello: 9.931’84 euros para adquisición de equipamento.}
• ^{Asociación veciñal e sociocultural de Cerneira: 10.000 euros para a primeira fase de construcción dun local social.}
• ^{Asociación veciñal, deportiva e músico-cultural de Xanza: 9.861’50 euros para cambio de falso teito do local e adquisición de equipamento.}

^{Os representantes destas asociacións asistiron onte no auditorio de Afundación, en Pontevedra, á gala Provincia Comunitaria, na que se puxo en valor o traballo. Acompañáronos o alcalde, José María Bello Maneiro, e a segunda tenente de alcalde, Carmen Gómez.}

^{Durante a gala actou a Coral Polifónica Santa Comba, que interpretou a canción A Caracola e estreou as novas tablets adquiridas coa subvención da Deputación, nas que xa teñen todas as partituras e material necesario para os concertos. A presidenta da Coral, Valentina Ferro, agradeceu á entidade provincial o apoio “para que poidamos seguir mellorando” e o director, Manuel López Castro, realizou un chamamento para que “máis xente se enrole nas corais e que o público asista ás actuacións, xa que iso danos forza para seguir adiante”.}

^{O deputado provincial de Acción Comunitaria, Javier Tourís, sinalou que a coral valguesa “é, a partir de agora, a Coral da Deputación”.}

^{Durante o acto tamén interveu o alcalde, que sinalou que as axudas que a Deputación outorga aos colectivos veciñais e culturais, “son de gran importancia, especialmente en concellos coma o noso, rural e coa poboación moi diseminada”.}