Accessibility Tools

NOVAS DO CONCELLO

- Tratouse dunha visita complementaria á formación teórica e práctica que están a recibir

- O obradoiro, no que participan vinte desempregados de Valga e Moraña, deu comezo en outubro do ano pasado e prolongarase ata o mes de xullo

finsaa

Valga, 24 de maio de 2018.

Os dez alumnos da especialidade de carpintería do Obradoiro de Emprego Ulla-Umia II, que comparten os concellos de Valga e Moraña, participaron nunha visita formativa á fábrica que a empresa Finsa ten en Padrón. Estiveron acompañados por un docente do módulo e a directora do Obradoiro.

Tratouse dunha visita guiada na que se explicou ao alumnado a fabricación dos diferentes taboleiros de madeira aglomerados, melamínicos, mdf e as diferentes solucións construtivas a medida das necesidades do cliente. Así, puideron ver como é o proceso de fabricación da madeira que empregan na formación práctica e de obra, o aproveitamento que fan da madeira e o tratamento dos residuos para caldeiras de biomasa que producen a enerxía precisa para o proceso de fabricación.

O obradoiro de emprego Ulla-Umia II deu comezo a mediados de outubro de 2017 e prolongarase ata o mes de xullo coa participación de dez desempregados de Moraña e outros tantos de Valga. Os vinte alumnos, quince mulleres e cinco homes, estanse a formar nas especialidades de albanelería e carpintería por un período de nove meses durante o que perciben o salario mínimo interprofesional. A Xunta de Galicia aporta 279.959 euros para financiar esta acción formativa, mentres que as dúas administracións locais sufragan os materiais para as obras que os alumnos levan a cabo nos respectivos municipios.

En Valga, o alumnado de albanelería acometeu traballos de distribución e acondicionamento do interior do edificio de usos administrativos que o Concello está a construír na praza Manuel Vicente Cousiño. O módulo de carpintería encargouse de preparar a madeira para os falsos teitos e portas do inmoble e fabricará mobiliario urbano para instalar en distintos lugares do municipio.

finsaa

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver