- Os petiscos poderán adquirirse por 2’5 euros e os combinados por 2 euros a unidade

- A partir da media noite tamén haberá queimada gratuíta

^{Valga, 29 de agosto de 2025.}

^{A XXXV Festa da Anguía e Mostra da Caña do País xa ten menú para a noite deste sábado. Os asistentes á celebración gastronómica poderán degustar ata cinco tapas con anguía e catro cócteis elaborados con augardente artesanal.}

^{Os petiscos, ata un total de 1.000 unidades, venderanse a 2’5 euros. Catro serán elaborados polo cociñeiro lalinense Álex Iglesias:}

• ^{Tacos de anguía ao estilo asiático con maionesa de wasabi.}
• ^{Empanada de anguía e Grelo de Galicia.}
• ^{Fabada de anguía con Fabas de Lourenzá e Castaña de Galicia.}
• ^{Anguía frita tradicional.}

^{A quinta tapa é a gañadora do premio do xurado na edición de 2024 da Ruta-Concurso Tapa a Anguía:}

• ^{“Do río ao prato, pasando pola leira”, do Café-Bar O Pontellón: Crema de grelos con anguía rebozada en panko sobre pan negro con toque picante.}

^{En canto aos cócteis de caña do país, o encargado de preparalos será tamén Álex Iglesias. As distintas opcións entre as que se poderá elixir serán:}

• ^{Mojito de caña branca}
• ^{Verde Galego: con caña de herbas, zume de mazá, lima natural e xarope de menta}
• ^{Tostada Sour: con caña tostada, zume de limón e xarope de azucre}
• ^{Laranxa da Terra: con caña branca, zume de laranxa natural e Mel de Galicia}

^{O prezo será de 2 euros por cada cóctel ata un total de 1.000 unidades.}

^{Os tíckets para a degustación, que terá lugar no Parque Irmáns Dios Mosquera, comezarán a venderse a partir das 21:30 horas, unha vez rematado o acto de entrega de premios.}

^{E, ademais, a partir de media noite, haberá queimada popular gratuíta e con conxuro teatralizado por Toula Animación.}

^{Ante as previsións meteorolóxicas de chuvia, haberá carpa.}