- O pontevedrés Diego Piay, mestre de Historia Antiga e experto en Prisciliano, é o autor da obra

- Hércules de Ediciones xa ten á venda tanto a versión en galego como en castelán

^{Valga, 26 de agosto de 2025.}

^{Hércules de Ediciones vén de publicar, tanto en galego coma en castelán, o libro “O territorio de Valga en época romana. Do asentamento dos Cileni á villa Valliga”, de Diego Piay Augusto.}

^{Esta obra, que proximamente será presentada en Valga e que conta co apoio do Concello e da Secretaría Xeral da Lingua, estuda os xacementos arqueolóxicos escavados ata o momento no municipio e que permiten reconstruír o relato da súa historia desde o período posterior á conquista romana, cando o territorio estaba habitado pola poboación dos cileni, e ata o final da antigüidade, pouco antes de que nas fontes escritas apareza a primeira referencia á villa Valliga}

^{O autor, Diego Piay Augusto (Pontevedra, 1979), é mestre de Historia Antiga na Universidade de Oviedo e traballa, dende fai máis de vinte anos, no campo da arqueoloxía (dirixiu máis de 150 escavacións arqueolóxicas en Galicia e Asturias).}

^{Doctorouse no ano 2016 na Universidade de Santiago de Compostela, obtendo a cualificación de Cum Laude e Mención Internacional. Ademais, a súa tese doutoral obtivo o premio especial de doutorado. Os seus traballos sobre Prisciliano e o movemento priscilianista (obxecto da súa tese) foron distinguidos tamén no ano 2021 co Premio Anassilaos, na cidade italiana de Reggio Calabria.}

^{Ten publicados nove libros, todos eles monografías ou ensaios históricos sobre a antigüidade ("Villae romanas en Asturias" ou  "O Priscilianismo. Arqueoloxía e prosopografía. Estudo dun movemento aristocrático na Gallaecia tardorromana"), sobre elementos do patrimonio cultural coma o Castelo de Soutomaior ou as Torres de Oeste e tamén biografías históricas, coma a de Prisciliano. A súa obra máis recente é "Priscillian: Life and Death of a Christian Dissenter in Late Antiquíty" (Prisciliano: vida e morte dun disidente cristiano na antigüidade tardía), publicado pola editorial norteamericana Gorgias Press neste 2025.}