- Con 100 anos cumpridos en abril, o veciño de Baño era a cuarta persoa de máis idade de Valga

- Esta mañá celebranse os actos fúnebres na súa memoria na igrexa parroquia de Santa María de Xanza

^{Valga, 28 de xullo de 2025.}

^{O Concello lamenta o falecemento, nesta fin de semana, do centenario José Pereira Comparada. O goberno local, en nome de todos os valgueses, transmitiu as súas condolencias á súa familia e achegados nestes momentos de tristura.}

^{Nado en 1925 na Canle (Cordeiro), José era o único home centenario de Valga e a cuarta persoa de máis idade do municipio, despois de cumprir os 100 anos o pasado 17 de abril. Naquela xornada, o alcalde, José María Bello Maneiro, e a concelleira Carmen Gómez visitárono no seu domicilio de Baño para felicitado e agasallalo cunha placa conmemorativa, un ramo de flores e doces.}

^{A capela ardente quedou instalada dende onte no tanatorio municipal en Beiro, dende onde sairá hoxe ás 11:00 horas o cortexo fúnebre. A continuación, celebrarase o funeral na igrexa parroquial de Santa María de Xanza.}