- Parques, fontes, lavadoiros e outros espazos serán acondicionados por colectivos veciñais e centros educativos

- O Concello aporta os materiais para executar os traballos e outorgará premios de ata 500 euros

^{Valga,  27 de xuño de 2025.}

^{O concurso “Embelecer Valga” conta este ano coa participación dunha trintena de proxectos de mellora e acondicionamento de espazos e dotacións públicas, promovidos por colectivos e comisións veciñais que buscan ser proclamados coma o lugar máis fermoso do concello.}

^{Os inscritos e os seus respectivos proxectos son:}

^{Modalidade “Obra nova”:}

• ^{Campaña: Creación de local social para actividades socioculturais}
• ^{IES de Valga: creación de xardín e mellora paisaxística}
• ^{Raxoi: recuperación de zona de xogos infantís}
• ^{San Miguel: recuperación de fonte}

^{Modalidade “Mantemento”:}

• ^{A Medela: mantemento da fonte}
• ^{Balleas: limpeza e conservación do lavadoiro e mantemento do parque}
• ^{Barcia: melloras no parque}
• ^{Barro: acondicionamento do parque}
• ^{Beiro: actuacións no lavadoiro, parque a agro de arriba}
• ^{Canle: mantemento do parque}
• ^{Carballiño: acondicionamento do parque do Quinteiro}
• ^{Cerneira: acondicionamento de zona de lecer}
• ^{Cimadevila: mantemento do parque e da fonte}
• ^{CODI: actuacións de mantemento na contorna e no centro}
• ^{Colexio Baño-Xanza: melloras nos xardíns e patios}
• ^{Eiras: mantemento do lavadoiro}
• ^{Eirexe (Campaña): adecentamento da contorna da igrexa parroquial}
• ^{Escola Infantil Municipal: melloras en zonas exteriores e interiores}
• ^{Ferreirós: rehabilitación da contorna do talude da estrada PO-190}
• ^{Ferreirós – Parque: traballos de mantemento}
• ^{Gándara: mantemento do parque}
• ^{Laceiras: actuacións no parque}
• ^{Laxes: conservación do pozo da Lameira e axardinamento}
• ^{Miradoiro da Perdiz: restauración de banco de madeira e mantemento da zona}
• ^{Praza do Souto: traballos de acondicionamento}
• ^{Praza Vicente Cousiño: limpeza da fonte e mantemento}
• ^{San Miguel: acondicionamento da contorna do cruceiro}
• ^{Vilar – Parque: traballos de mantemento}
• ^{Vilarello: actuacións nos lavadoiros, parque, marquesiña e casa veciñal}

^{Para participar no certame tiveron que formar unha comisión e presentar unha memoria descritiva das accións de mellora a desenvolver e os materiais que estiman precisos, ademais dunha reportaxe fotográfica do estado no que se atopa o lugar no que se levarán a cabo as actuacións. O Concello aportará o material para a execución das obras, que terán que estar rematadas na penúltima fin de semana de agosto, cando terá lugar a visita do xurado.}

^{Á hora de outorgar os premios valoraranse aspectos como adecuación final á memoria presentada, a orixinalidade e a creatividade nos deseños e elementos decorativos, o aproveitamento dos recursos e materiais da zona, a conservación e deseño de espazos verdes coma xardíns e áreas recreativas, a recuperación de elementos existentes no lugar e o fomento da cultura e da tradición locais.}

^{O proxecto mellor valorado na categoría de “Mantemento” será gratificado con 500 euros, o segundo levará 300 euros e o terceiro, 200 euros. Na modalidade de “Obra nova” os premios serán de 300, 200 e 100 euros. O resto de comisións participantes recibirán 100 euros.}

^{Os gañadores daranse a coñecer o día 30 de agosto durante a celebración da XXXV Festa da Anguía e Mostra da Caña do País.}

^{Este certame, que anualmente é convocado polo Concello, pretende implicar á veciñanza no coidado e rehabilitación de espazos e zonas comúns do municipio para o seu posterior desfrute por parte de toda a poboación.}