- Os cadros que forman parte da mostra foron creados nun Obradoiro de Arte

- As obras están á venda para colaborar co colectivo, que presta atención integral a persoas con doenzas mentais

^{Valga, 3 de abril de 2025.}

^{Coa entrada de mes o Auditorio Municipal cambia de exposición e recibe unha colección de obras pictóricas creadas polos usuarios da asociación Andaina Pro Saúde Mental, que esta mañá asistiron ao acto de inauguración, xunto co alcalde, José María Bello Maneiro, e as concelleiras Carmen Gómez e Malena Isorna.}

^{As obras son o resultado o do Obradoiro de Arte que imparte esta asociación e no que, ademais de crear cadros, “adquirimos experiencias e aprendizaxes, gozamos coa compañía” de todos os participantes, “Axúdanos a concentrarnos e fainos sentir realizados e satisfeitos co noso traballo”, indicaron os propios usuarios durante a inauguración. Os cadros están á venda para colaborar coa actividade}

^{Andaina Pro Saúde Mental é un colectivo sen ánimo e lucro presta atención integral a persoas con doenzas mentais crónicas e ás súas familias, nas comarcas rurais da contorna de Santiago. Conta con dous centros, en Dodro e en Ordes. Os cadros que expoñen no Auditorio están á venda para colaborar coa asociación, coa que se pode contactar a través do teléfono 650 270 824 ou mediante correo electrónico no enderezo Este enderezo de correo está a ser protexido dos robots de correo lixo. Precisa activar o JavaScript para velo..}

^{O alcalde transmitiu os parabéns tanto aos usuarios que participan no Obradoiro de Arte polos excelentes traballos realizados coma aos responsables do colectivo, pola “importante labor que desenvolven, prestando un servizo necesario para moitas familias e para mellorar a calidade de vida dos usuarios”.}