- Estase a construír unha cuneta transitable, que dará máis amplitude á estrada pero tamén aumentará o espazo peonil

- Os traballos tamén incluén o reforzo da drenaxe, cunha canalización para a recollida de augas pluviais

^{Valga, 1 de abril de 2025.}

^{A Deputación de Pontevedra está a realizar obras de mellora da seguridade viaria e peonil na estrada provincial EP-8501 Valga-Martores, á altura do lugar de Raxoi. Os traballos consisten na execución dunha cuneta remontable na marxe dereita (en dirección a Martores), nun tramo de aproximadamente 200 metros de lonxitude.}

^{A adecuación da marxe da vía dará máis amplitude á estrada, podendo cruzarse dous vehículos pisando sen problemas a nova cuneta de formigón. Ao mesmo tempo, tamén se aumentará o espazo peonil nesta contorna, na que se localiza unha parada do transporte escolar, xa que a área formigonada poderá ser empregada polos transeúntes para circular sen necesidade de invadir a estrada.}

^{Por último, aproveitarase a actuación para mellorar a drenaxe na zona, mediante a instalación dunha canalización para a condución das augas pluviais.}