- O torneo foi organizado polo Club Karate de Valga, que participou con 35 deportistas e acadou o terceiro posto no medalleiro

- O alcalde e os concelleiros de Deporte e Xuventude participaron na entrega de medallas aos gañadores

^{Valga, 25 de marzo 2025.}

^{O pavillón municipal de Beiro acolleu o sábado unha xornada chea de actividade deportiva da man do Club Karate de Valga, que organizou o seu IX Campionato de Karate.}

^{Esta cita reuniu a arredor de 280 deportistas pertencentes a 23 clubs de Pontevedra, Teo, Carballo, A Coruña, Negreira, Ferrol, Vigo, Santiago, Fene, Ares, Lugo, A Laracha, Narón, Cedeira, Ribadavia e mesmo do municipio madrileño de Collado Villalba. A xornada deu comezo ás 10 da mañá e prolongouse ata as 9 da noite.}

^{O equipo anfitrión, o Club Karate de Valga, participou con 35 deportistas e acadou o terceiro posto no medalleiro.}

^{Quedaron campións do torneo:}

• ^{María Ángeles Diego en kumite alevín >32 kg}
• ^{Paulo Dopazo en kumite alevín >34 kg}
• ^{Carla Gómez en kumite infantil >42 kg}
• ^{Ana Otero en kata sénior}

^{Subiron ao segundo posto do podio:}

• ^{Lope Cascallar en kata alevín}
• ^{Ángel Rodríguez en kata cadete}
• ^{Julia Rial en kumite alevín >32 kg}
• ^{Rosalía Carril en kumite infantil >42 kg}
• ^{Icía Reboiras en kumite xuvenil <52 kg}
• ^{Ana Otero en kumite sénior open}

^{E alzáronse co bronce:}

• ^{Lía Sánchez en kata benxamín}
• ^{Icía Reboiras en kata xuvenil}
• ^{Alejandra Trenco en kata júnior}
• ^{Lope Cascallar en kumite alevín <34 kg}
• ^{Daniela Vázquez en kumite alevín <32 kg}
• ^{Vera Beiroa en kumite alevín >32 kg}
• ^{Javier Rial en kumite infantil <45 kg}
• ^{Daniel Fuentes en kumite infantil >45 kg}
• ^{María Piñeiro en kumite infantil <42 kg}
• ^{Adriana Romero en kumite infantil >42 kg}
• ^{Ángel Rodríguez en kumite cadete <63 kg}

^{O alcalde, José María Bello Maneiro; o concelleiro de Deportes, Manuel Ferreiro; e o edil de Cultura e Xuventude, Pedro Calvo, achégaronse ao pavillón municipal para gozar da actividade deportiva e participaron, ademais, na cerimonia de entrega de medallas, xunto á presidenta do Club Karate de Valga, Lara Álvarez, e o director técnico da Federación Galega de Karate, José Alberto Álvarez.}

^{O goberno local quere transmitir os parabéns aos medallistas, a todos os participantes e, especialmente, ao Club Karate Valga pola organización do torneo e polo traballo que desenvolve en Valga fomentando a actividade deportiva.}