- Estanse a repartir publicacións gañadoras de distintas edicións do premio de investigación Xesús Ferro Couselo

- Acompáñanse dunha biografía de María Victoria Moreno e unha relación de todos os autores homenaxeados dende 1963

^{Valga, 16 de maio de 2018.}

^{Na véspera do Día das Letras Galegas, os veciños que durante esta mañá se achegan ás oficinas municipais están a recibir un libro como agasallo.}

^{Trátase de obras gañadoras de distintas edicións do Premio de Investigación Xesús Ferro Couselo, en concreto “Vade Retro. Ritualística protectora, obxectos curativos e uso e amuletos na cultura popular galega”, de Rafael Quintía Pereira, premiada na edición de 2017; e “Cultura letrada e alfabetización no Baixo Ulla. Séculos XVIII-XIX”, de Ana María Sixto Barcia, galardoada no ano 2011. Ambas publicacións acaban de ser editadas polo Concello.}

^{Os libros acompáñanse dunha reseña biográfica de María Victoria Moreno, autora á que a Real Academia Galega adica este ano o Día das Letras, e unha relación de todos os escritores e literatos homenaxeados dende que se instaurou esta celebración no ano 1963. Entre eles, o investigador e ensaísta valgués Xesús Ignacio Ferro Couselo, ao que se dedicou o Día das Letras Galegas no ano 1996.}