- O deputado provincial Javier Tourís mantivo unha xuntanza co alcalde para avanzar en materia de sostibilidade

- A oficina móbil do programa + Renovables durante a xornada de hoxe en Valga

^{Valga, 13 de xaneiro de 2025.}

^{A Deputación de Pontevedra, a través da Oficina de Transformación Comunitaria, vai a elaborar un estudo enerxético do concello de Valga co obxectivo de avanzar en materia de eficiencia e aforro. O deputado provincial de Acción Comunitaria e Equipamentos Públicos, Javier Tourís, participou está mañá nunha xuntanza co alcalde, José María Bello Maneiro, e a concelleira Carmen Gómez, na que tamén estiveron presentes técnicos de ambas administracións.}

^{Foi unha reunión preparatoria de cara ao comezo dos traballos de redacción do estudo, no que se analizarán cuestión coma o consumo enerxético actual do Concello e a capacidade que ten para xerar enerxía fotovoltaica, para impulsar accións de aforro e eficiencia enerxética. Por exemplo, a colocación de placas solares, que xa están en funcionamento no edificio do Museo e que está previsto instalar tamén no Auditorio e na estación depuradora (EDAR). Estas obras serán licitadas proximamente, avanza o alcalde.}

^{A oficina móbil do programa +Renovables está a percorrer os concellos de menos de 50.000 habitantes da provincia para informar, asesorar e acompañar proxectos relacionados coa eficiencia enerxética desde a súa creación ata a produción e o autoconsumo, para implicar aos pequenos concellos nos retos da sostibilidade.}

^{A  Oficina de Transformación Comunitaria do programa +Renovables conta cun orzamento de 370.000 euros e está financiada con fondos europeos Next Generation para fomentar e impulsar a creación e o desenvolvemento de proxectos de eficiencia enerxética en todas as comarcas da provincia, sendo o medio rural, e especialmente os concellos de reto demográfico, a principal prioridade.}