- Dúas das actividades terán lugar no CODI os días 27 e 30 de decembro, en horario de mañá

- Os outros dous talleres celebraranse na biblioteca do Auditorio o 20 de decembro e o 3 de xaneiro pola tarde

^{Valga, 16 de decembro de 2024.}

^{Os cativos valgueses poderán divertirse durante este Nadal nos obradoiros gratuítos organizados polo Concello co obxectivo de ofrecer ás familias alternativas para a conciliación durante as vacacións escolares.}

^{A primeira actividade terá lugar este venres, día 20, na biblioteca municipal do Auditorio entre as 17:30 e as 19:00 horas. Trátase dun taller de elaboración de postais de Nadal e está dirixido a nenos a partir 5 de anos. Os menores desta idade tamén poden participar pero estar acompañados dun adulto que os axude.}

^{A biblioteca de Cordeiro promove tamén un segundo obradoiro o día 3 de xaneiro pola tarde para elaborar postais de Reis. Estas actividades non precisan inscrición previa.}

^{Os outros dous talleres celebraranse nas instalacións do CODI o venres 27 e o luns 30 de decembro, en horario de mañá (de 10:30 a 12:30 horas). Nun deles os participantes poderán crear xogos e xoguetes con materiais de refugallo e no outro elaborarán instrumentos musicais.}

^{Para estas dúas actividades é precisa inscrición, que pode realizarse online ou presencialmente no rexistro de entrada do Concello, en horario de 8:00 a 15:00 horas. O prazo estará aberto ata o día 23 de decembro.}

^{Inscrición en liña: https://docs.google.com/forms/d/e/1FAIpQLSfUl4Bw_myaMi9PeF7gF5U-RhzKdJgd7w60U7XnbcS_NW9COQ/viewform}

^{Descarga a folla de inscrición: https://valga.gal/atencion-cidada/impresos-solicitudes}