- Esta mañá entregáronse no Concello os billetes para o primeiro desprazamento, que terá lugar en febreiro

- Parte das viaxes son subvencionadas polo Ministerio de Dereitos Sociais e o Concello, que ademáis se fai cargo dos desprazamentos ao aeroporto

^{Valga, 12 de decembro de 2024.}

^{Oitenta veciños de Valga viaxarán durante a primeira metade do ano 2025 a localidades de Huelva e Tenerife, a través do programa de turismo social do Imserso. Esta mañá tivo lugar no Salón de Plenos a entrega dos billetes aos vinte valgueses que participarán no primeiro desprazamento, que se realizará no mes de febreiro e terá como destino a localidade costeira de Matalascañas, en Almonte (Huelva). No acto participaron o alcalde, José María Bello Maneiro, a concelleira Carmen Gómez e unha traballadora do departamento de Servizos Sociais do Concello.}

 ^{Serán tres as viaxes nas que participen os maiores de Valga: en abril o destino será de novo Matalascañas (40 prazas) e e xuño, Realejos, na illa de Tenerife (20 prazas). Para estas dúas saídas será necesario realizar un sorteo, xa que son máis as solicitudes que prazas dispoñibles.}

^{O programa de turismo social do Imserso é unha iniciativa de envellecemento activo que ofrece ás persoas maiores estancias en zonas de costa e turismo de interior, contribuíndo así a mellorar a súa calidade de vida e a previr a dependencia. As viaxes son subvencionadas polo Ministerio de Dereitos Sociais e o Concello que, ademais se fai cargo dos desprazamentos ata o aeroporto.}

^{O paquete inclúe transporte de ida e volta en avión, aloxamento en réxime de pensión completa e programa de animación sociocultural, así coma os correspondentes seguros e servizo médico.}