- Abrirá os sábados e domingos de 11:00 a 21:00 horas ata o día 4 de xaneiro

- Artesanía, agasallos ou doces son algúns dos produtos que se ofertarán

^{Valga, 11 de decembro de 2024.}

^{Os arredores do Belén Artesanal en Movemento acollerán a partir desta fin de semana un mercado de Nadal con diferentes postos de venda nos que se ofertarán algúns dos produtos máis demandados nestas datas, dende artigos de artesanía ata agasallos ou doces típicos destas festas.}

^{O obxectivo é que esta actividade se complemente co propio Belén, de xeito que os milleiros de visitantes que acoden a velo poidan realizar despois unhas compras e as persoas que acudan á zona atraídos polo mercado aproveiten, tamén, para coñecer o nacemento con movemento máis grande de Galicia.}

^{O mercado quedará instalado na zona de aparcadoiro situada fronte ao local do nacemento e abrirá de 11:00 a 21:00 horas os sábados e domingos ata o 4 de xaneiro. As datas concretas son: 14, 15, 21, 22, 27 e 28 de decembro e 4 de xaneiro.}

^{Xunto á entrada do Belén é xa habitual dende fai moitas edicións a venda de churros e rosquillas. Este ano, ademais, tamén pode adquirirse mel producida en Valga e este sábado, día 14, a asociación Asdivalu, de persoas con discapacidade dos vales Ulla e Umia, instalará un posto con xabóns, cerámica e artigos de coiro, entre outros.}