- As inscricións xa poden realizarse no rexistro do Concello

- Os participantes realizarán sesión de ioga e danza, participarán en andainas e traballarán o estrés cunha psicóloga

^{Valga, 26 de novembro de 2024.}

^{Unha nova edición do programa de autocoidado e relaxación dará comezo o vindeiro luns, 2 de decembro, con sesións dirixidas a todo tipo de públicos para manter o benestar físico, emocional e social.}

^{As persoas interesadas en participar deben entregar no rexistro municipal a folla de inscrición, que poden recoller presencialmente no Concello ou descargar na páxina web municipal (https://www.valga.gal/atencion-cidada/impresos-solicitudes). Os inscritos deben elixir entre dous horarios: os luns a partir das 10:30 horas ou os xoves a partir das 17:00.}

^{Os participantes traballarán cunha psicóloga a xestión das emocións e do estrés, mentres que a parte física incluirá actividades coma ioga ou danza terapéutica. Ademais, manteranse as andainas que na última edición tiveron un gran éxito de participación. A primeira terá lugar este xoves, cunha ruta circular con saída ás 17:00 horas do Auditorio. A súa duración será de aproximadamente unha hora, cun traxecto que chegará ata o Miradoiro da Perdiz, en Vilar. Para esta camiñada non é necesaria inscrición previa.}

^{O programa presentouse onte á mañá no Auditorio coa presenza de máis dunha vintena de persoas que, ademais, asistiron a unha sesión sobre o estrés impartida polas responsables da Unidade de Prevención das condutas adictivas. Nesta xornada explicáronse as diferentes maneiras nas que se pode manifestarse o estrés e como xestionalo, poñendo especial énfase en evitar o consumo de fármacos, o alcohol, tabaco ou outras substancias.}