^{Valga, 25 de novembro de 2024.}

^{Conmemoramos o Día Internacional para a eliminación da violencia contra as mulleres, tendo coñecemento do gran número de mulleres asasinadas a man da súa parella.}

^{Condenamos este tipo de crimes e queremos achegar o noso apoio e solidariedade coas familias das vítimas, ao tempo que reclamamos que os asasinos sexan xulgados o máis cedo posible.}

^{Todos somos conscientes da urxencia para conseguir que a violencia que aínda sofren as mulleres, polo mero feito de selo, deixe de ser estrutural na nosa sociedade.}

^{Reafirmamos o noso compromiso para poñer fin á violencia contra as mulleres, sendo un obxectivo irrenunciable e prioritario.}

^{Desgraciadamente e, a pesares dos avances, é evidente o moito que queda por facer. A condena da violencia machista en todas as súas manifestacións e o traballo colectivo na construción dun presente, no que ningunha muller sexa vítima desta violencia, teñen que reforzarse, dende o compromiso activo que poña fin a estas actitudes patriarcais.}

^{Lembremos que a violencia de xénero non se limita a acosar, ferir ou matar. Tamén é violencia machista a privación de independencia económica das mulleres, a violencia vicaria, a violencia nas contornas dixitais, nas que se potencia a cousificación da muller ou a prostitución.}

^{Non debemos esquecer, tampouco, a situación das mulleres de países en situación de regresión cultural e social, as cales, demasiadas veces, viven recluídas, sen acceso á educación ao traballo nin a ningunha relación social.}

^{Estas atrocidades sufridas polas mulleres deben levarnos a reforzar a defensa dos dereitos humanos e a proteción das vítimas, esixindo respecto, xustiza e reparación.}

^{Fai uns anos, dende Valga pediamos que a atroz violencia que provocou o asasinato das nosas veciñas fose a última. Pero, no que vai deste ano, máis de corenta mulleres foron asasinadas en España por homes que eran, ou foron, as súas parellas, e máis de 95.000 denuncias foron presentadas por vítimas de violencia machista. Por iso volvemos a pedir que se persiga este tipo de criminalidade.}

^{Alentamos a toda a poboación a que denuncie calquera tipo de violencia contra as mulleres, poñendo o foco de culpabilidade nos agresores e non nas vítimas.}