- Divididos en equipos mixtos, realizaron tarefas como poñer a mesa, tender a roupa ou traballos de bricolaxe

- A actividade forma parte da programación educativa organizada polo concello para conmemorar o 25-N

^{Valga, 25 de novembro de 2024.}

^{A programación organizada polo Concello para concienciar sobre a problemática da violencia de xénero e sobre a igualdade no ámbito escolar chegou esta mañá ao colexio Xesús Ferro Couselo de Cordeiro, onde o alumnado de 3º, 4º, 5º e 6º de Primaria participou nunha Xincana Corresponsable, que tiña como obxectivo de desterrar algúns dos roles de xénero máis implantados no ámbito familiar e doméstico e para fomentar un reparto equilibrado das tarefas no fogar.}

^{Os escolares participaron nunha serie de probas nas que tiveron que reproducir algunhas das principais tarefas domésticas. Os rapaces, que foron divididos en grupos mixtos, tiveron que poñer a mesa, facer a cama, tender e dobrar a roupa ou facer traballos de bricolaxe.}

^{Con estas accións, pretendíase que os alumnos reflexionaran sobre como están repartidas as tarefas nos seus propios fogares, analizando se os roles de xénero aínda se manteñen e animándoos a rachar con eles e a contribuír a un reparto máis igualitario dos traballos entre todos os membros das súas familias.}

^{Esta actividade tamén se realizará a vindeira semana no colexio Baño-Xanza.}