- Participaron os maiores do Centro de Día de Valga, usuarios do CODI e membros de Lar Pro-Saúde Mental e de Amipa

- Estas actividades favorecen a socialización das persoas asistentes, mentres que os estudantes gañan en seguridade escénica

^{Valga, 22 de novembro de 2024.}

^{Usuarios e membros de varios colectivos de carácter social asistiron ás audicións do mes de novembro do Centro Superior de Música (CSM Galicia), que se celebraron a finais da pasada semana no Auditorio Municipal.}

^{O concerto do xoves tivo como público aos maiores do Centro de Día de Valga, aos que acompañaron tamén os usuarios do CODI membros da asociación Asdivalu de persoas con discapacidade dos vales Ulla e Umia. Os artistas que actuaron foron José Francisco Restrebada (piano), José Ignacio García (oboe), Ariadna Landrove Santana (frauta), Martín Moares (clarinete), Érika Sieiro (piano) e Paula Díaz (clarinete). Para pechar o concerto, saíron ao escenario dous grupos de cámara: un integrado por Yassmin Noel Bolívar, Martín Moares e Irene Vázquez; e o segundo por Ariadna landrove, J. Ignacio García, Mónica García e Carmen F. Ferrer.}

^{Na mañá do venres, déronse cita no Auditorio medio cento de usuarios das asociacións Lar Pro-Saúde mental e Amipa, que asistiron ás actuacións dunha decena de alumnos do CSM: Darvin Villar (trompeta), Diego Reboredo (trompeta), Xenxo González (piano), Valeria Miranda (frauta), yassmín D. Noel (frauta), Mónica García (clarinete), Carmen Fuxing Ferrer (piano), Irene Vázquez (piano) e Alonso PInilla (piano).}

^{Coa organización destas audicións o alumnado do CSM adquire experiencia escénica e a desenvolverse en actos con público, mentres que se favorece a socialización das persoas asistentes.}