- A administración autonómica realiza unha aportación económica de 120.000 euros
- As actuacións que desenvolve o ADIF para mellorar a seguridade na contorna da vía favorecerá a posta en valor de bens patrimoniais, ofrecendo aos visitantes productos turísticos seguros
Valga, 9 de novembro de 2024.
O Concello e a Axencia Turismo de Galicia acaban de asinar un convenio de colaboración para financiar a adquisición dos terreos para a supresión de dous pasos a nivel na parroquia de Cordeiro: os situados a altura dos cruces cos lugares de Castiñeiras e Carracido, na liña ferroviaria Redondela-Santiago.
Para iso construirase un paso superior que permitirá cruzar as vías con seguridade e garantirá a conexión entre ambas marxes e a accesibilidade para os propietarios de terreos e veciños en xeral. Terá un gálibo vertical de 7 metros, conformado por tres vans, dous carrís de 3 metros de ancho e beiravías exteriores de 0’50 metros. Adosadas a estas, senllas bandas de 1’80 metros nas que se instalarán un muro de protección, as beirarrúas, unha varanda e valla antivandálica. Ademais, como parte do mesmo proxecto, darase continuidade aos camiños de enlace paralelos á vía ferroviaria entre los lugares de Laxes e Carracido e dende a praia fluvial de Vilarello ata Vilar. A lonxitude total será de 1’7 quilómetros.
As obras para a eliminación deste dous cruces ferroviarios son executadas polo ADIF, cun investimento de arredor de 3’5 millóns de euros, se ben o Concello ten que facerse cargo da adquisición e posta a disposición dos terreos necesarios cun custo de 219.893’66 euros. Para afrontar este gasto, asinouse o convenio con Turismo de Galicia, de xeito que esta entidade aportará 120.000 euros.
A execución deste proxecto, ademais de mellor a seguridade e a conectividade na contorna da vía do tren, favorecerá a posta en valor dos bens de interese patrimonial e cultural existentes nesta zona, garantindo que as condicións nas que se atopan sexan acordes ao medio onde se emprazan, “cumprindo cos principios de calidade e accesibilidade” e “ofrecendo aos visitantes e peregrinos produtos turísticos seguros”.
