- A xuntanza terá lugar o 25 de novembro ás 19:00 horas na Casa da Cultura de Valga e poden asistir titulares de terreos e de explotacións agrarias afectados polo proxecto

- Coa constitución destes dous órganos poderá darse continuidade aos traballos da concentración, que afecta a 150 hectáreas nos lugares de Martores, Vilares, Laceiras e Raxoi

^{Valga, 4 de novembro de 2024.}

^{Convócase aos propietarios de parcelas, titulares de dereitos de propiedade e titulares de explotacións da zona da Reestruturación Parcelaria da parroquia de San Miguel de Valga (que afecta aos lugares de Martores, Vilares, Laceiras e Raxoi) a unha xuntanza na que se procederá á elección dos representantes da Xunta Local e Grupo Auxiliar de Traballo.}

^{A reunión terá lugar o día 25 de novembro a partir das 19:00 horas na Casa da Cultura de Valga.}

^{Mediante votación realizaranse dúas eleccións:}

• ^{Catro titulares e catro suplentes para a Xunta Local, un órgano colexiado formado por representantes da administración e dos propietarios.}

• ^{Un mínimo de catro persoas e un máximo de nove (3% titulares), que deben ser residentes na parroquia, para o Grupo Auxiliar de Traballo, que colaborará co equipo técnico, especialmente coa clasificación das terras.}

^{Coa constitución destes dous órganos poderase dar continuidade aos traballos da concentración parcelaria, que nos últimos meses estiveron centrados na toma de datos sobre o terreo (localización de marcos, fixación dos lindes e localización de elementos existentes, coma pozos, mananciais, camiños, muíños, fosas sépticas, servidumes...) para a realización dos planos nos que se baseara todo o proceso de reestruturación e, especialmente, a distribución das novas parcelas.}

^{A parcelaria de San Miguel, que está declarada de interese público Xunta, afecta a unha superficie de arredor de 150 hectáreas, con máis de 2.100 parcelas dunha superficie media de 700 metros cadrados e que pertencen a uns 322 propietarios.}