- Marcela, María José, Mónica, Paula, Arale e Yolanda foron as integrantes do equipo vencedor

- Tres grupos participaron no certame, que constou de varias probas eliminatorias antes da gran final

^{Valga, 23 de agosto de 2024.}

^{As mellores cociñeiras de anguía de Valga xa teñen nome. Son Marcela, María José, Mónica, Paula, Arale e Yolanda, que onte se proclamaron gañadoras do concurso Anguía Chef co prato “Maki Otero”, un rolo de arroz envolto en alga nori e con dous recheos diferentes: anguía en dúas preparacións –afumada e frita– e combinada con aguacate e verduras como zanahoria e berenxena. A receita incluíu tamén millo triturado para dar un toque crocante.}

^{Elixir o gañador, tarefa que correspondeu aos cociñeiros Álex Iglesias e Fran Jamardo, non foi doada, xa que o segundo equipo finalista –integrado por Vega, Sara, Aroa, Jenniffer, Sandra e Bea– tampouco o fixo nada mal. A súa preparación, chamada “AnguiMakis”, eran tamén unha versión deste bocado de sushi que incorporaba, ademais da aínda como produto indispensable, ingredientes coma calabacín ,allo negro, cebola crocante ou salsa Perrins.}

^{En total foron tres os equipos que participaron nesta edición do concurso de cociña, que incluíu diferentes probas tanto relacionadas coa gastronomía coma coa cultura local. Tiveron que demostrar a súa pericia desespiñando anguía e responder a preguntas sobre persoeiros de Valga e o patrimonio relixioso e arqueolóxico do concello. Por último, participaron nunha cata a cegas na que tiñan que identificar, só polo sabor, diferentes produtos entre os que había queixo de distintas variedades, froitos secos, peixes e prebes.}

^{Despois destas probas un dos equipos quedou eliminado e os seus integrantes repartíronse entre os outros dous grupos para que todos tiveran ocasión de demostrar as súas dotes na gran final.}

^{Os premios aos gañadores entregaranse o vindeiro sábado, 31 de agosto, durante os actos da XXXIV Festa da Anguía e Mostra da Caña do País.}