- Tamén están a reparar un tramo de varanda que resultara danada debido a un accidente de tráfico

- O programa formativo e de mellora da inserción laboral, subvencionado pola Xunta, conta cun total de vinte participantes

^{Valga, 20 de agosto de 2024.}

^{Os integrantes do módulo de carpintería do Obradoiro de Emprego Ulla-Umia VII, baixo as directrices do experto docente a José Oliveira, instalaron nas últimas xornadas unha gran pérgola de madeira na Mina Mercedes, na zona do parque infantil.}

^{Esta estrutura, de madeira de abeto tratada, está asentada sobre soportes de ferro e ten unha altura de 2’6 metros. Ten forma de “L” e as súas dimensións son de 10 metros de longo por un lado e 7 polo outro. O ancho é de 3 metros. O obxectivo da súa colocación é dotar á esta área de xogos dunha zona con sombra, para o que se plantarán especies trepadoras que cubran a estrutura. Ademais, instalaranse debaixo mesas con bancos.}

^{As actuacións do Obradoiro de Emprego na Mina Mercedes incluirán, ademais, a instalación doutro mobiliario. Xunto o merendoiro e o pantalán situados fronte á fábrica de Urovesa colocarase unha randeeira, para a que xa están preparadas as zapatas. E na marxe contraria, nas inmediacións da empresa Lema, ubicarase un banco elevado a modo de miradoiro cara a lagoa.}

^{Traballos de reposición}

^{Os aprendices de carpintería están a compaxinar estas actuacións de dotación de mobiliario coa reparación dun tramo de varanda que resultou danado a consecuencia dun accidente de tráfico. Estes balaústres xa foran colocados no seu día polos alumnos dun Obradoiro de Emprego.}

^{O proxecto Ulla-Umia, promovido polos concellos de Valga e Moraña, conta cunha aportación da Xunta de Galicia de 530.000 euros. Nel fórmanse, nas especialidades de forestais e carpintería, un total de vinte persoas.}