- Os traballos consisten na pavimentación dunha beirrarúa arredor do edificio e a construcción dun patín

- Os contidos do inmoble centraranse no proceso de elaboración da augardente do país

^{Valga, 10 de maio de 2018.}

^{O Concello está a executar unha nova fase de obras no Centro de Interpretación da Caña do País, traballos que se desenvolven, en concreto, nos exteriores do edificio.}

^{Os operarios colocaron unhas reixas nos ocos das tellas da cuberta para evitar que aniñen os paxaros e agora están a pavimentar con pedra unha beirarrúa que bordea o inmoble. A continuación dotarán ás escaleiras exteriores de balaustrada e construirán un patín. Estos traballos son financiados con fondos do Concello.}

^{A primeira fase deste proxecto, que se executou a finais do pasado ano, consistiu na reconstrución dunha antiga edificación de pedra emprazada no entorno do Parque Irmáns Dios Mosquera, que foi adquirida polo Concello e se atopaba en estado ruinoso. Turismo de Galicia aportou daquela 104.623 euros.}

^{En vindeiras actuacións proxectaranse o acondicionamento do interior do edificio e máis a dotación de contido, cuestións nas que xa está a traballar o goberno local. O Centro de Interpretación da Caña do País incluirá distinto material multimedia relacionado co proceso de elaboración da augardente e tamén algúns dos utensilios e ferramentas que se empregan para destilar a caña, como alambiques. Para sacar o máximo partido ás instalacións, engadiranse outros elementos expositivos que están a ser estudados.}