- Os proxectos de acondicionamento de parques, fontes, lavadoiros e outros espazos son promovidos por veciños de diferentes aldeas e tamén por centros educativos

- O Concello aporta os materiais para executar as actuacións e outorgará premios de ata 500 euros

^{Valga, 8 de agosto de 2024.}

^{Unha trintena de colectivos e comisións veciñais participan este ano no concurso “Embelecer Valga” cos seus proxectos de mellora e acondicionamento de espazos e dotacións públicas, co obxectivo de ser proclamados coma o lugar máis fermoso.}

^{Os inscritos e os seus respectivos proxectos son:}

• ^{Modalidade “Obra nova”:}
• ^{A Medela: acondicionamento de terreo e construción de muro xunto á fonte}
• ^{Balleas: limpeza e restauración do pilón e creación de xardín}
• ^{Devesa: Recuperación do parque infantil, colocación de xogos e peche}
• ^{Cerneira: Acondicionamento, dotación de mobiliario, limpeza e embelecemento da fonte, do barral e do quinteiro de abaixo}
• ^{Laxes: recuperación do parque “Pozo da lameira”}

• ^{Modalidade “Mantemento”:}
• ^{A Medela: acondicionamento da fonte}
• ^{Avenida da Coruña: limpeza, arranxos e mantemento do parque}
• ^{Balleas: posta a punto do parque}
• ^{Barcia: mantemento do parque}
• ^{Barro: acondicionamento do parque}
• ^{Beiro: lavadoiro, parque a agro de arriba}
• ^{Campaña: traballos de conservación do campo da festa e do parque}
• ^{Canle: acondicionamento do parque}
• ^{Carballiño: mantemento e colocación de mobiliario no parque}
• ^{Cimadevila: parque do Souto}
• ^{CODI: Creación de Xardín e colocación de mobiliario}
• ^{Colexio Baño Xanza: acondicionamento de distintos espazos do colexio}
• ^{Colexio Ferro Couselo: melloras no recinto educativo}
• ^{CRA de Valga: melloras nos patios e nos espazos escolares}
• ^{Eiras: remate da balaustrada do lavadoiro}
• ^{Eirexe (Campaña): adecentamento da contorna da igrexa parroquial}
• ^{Ferreirós: acondicionamento de talude na estrada PO-190}
• ^{Gándara: melloras no parque}
• Miradoiro da Perdiz: mellora da zona con mobiliario e acondicionamento de talude
• ^{Pontevalga: embelecemento da Praza do Souto}
• ^{Raxoi: mantemento da fonte}
• ^{San Miguel: acondicionamento da contorna da fonte, marquesiña e cruceiro}
• ^{Vilar – Parque: traballos de mantemento}
• ^{Vilarello: actuacións no lavadoiro, no parque, na marquesiña e na casa veciñal}

^{Para participar no certame tiveron que formar unha comisión e presentar unha memoria descritiva das accións de mellora a desenvolver e os materiais que estiman precisos, ademais dunha reportaxe fotográfica do estado no que se atopa o lugar no que se levarán a cabo as actuacións. O Concello aportará o material para a execución das obras, que terán que estar rematadas na penúltima fin de semana de agosto, cando terá lugar a visita do xurado.}

^{Á hora de outorgar os premios valoraranse aspectos como adecuación final á memoria presentada, a orixinalidade e a creatividade nos deseños e elementos decorativos, o aproveitamento dos recursos e materiais da zona, a conservación e deseño de espazos verdes coma xardíns e áreas recreativas, a recuperación de elementos existentes no lugar e o fomento da cultura e da tradición locais.}

^{O proxecto mellor valorado na categoría de “Mantemento” será gratificado con 500 euros, o segundo levará 300 euros e o terceiro, 200 euros. Na modalidade de “Obra nova” os premios serán de 300, 200 e 100 euros. O resto de comisións participantes recibirán 100 euros.}

^{Os gañadores daranse a coñecer o día 31 de agosto durante a celebración da XXXIV Festa da Anguía e Mostra da Caña do País.} 

^{Este certame, que anualmente é convocado polo Concello, pretende implicar á veciñanza no coidado e rehabilitación de espazos e zonas comúns do municipio para o seu posterior desfrute por parte de toda a poboación.}