- Os equipos deben estar formados por catro persoas, podendo participar tanto nenos coma adultos

- As eliminatorias terán lugar o día 22 e a gran final o 23 de agosto no Parque Irmáns Dios Mosquera

^{Valga, 5 de agosto de 2024.}

^{Un ano máis, buscamos aos mellores cociñeiros de anguía do noso concello a través do concurso “Anguía Chef”, que ten aberto o prazo de inscrición para os equipos participantes.}

^{Os grupos deben estar compostos por catro persoas de calquera idade, tanto nenos como adultos. Enfrontaranse, primeiro, en probas eliminatorias nas que loitarán por clasificarse para a gran final, na que terán que cociñar un prato con anguía. Os autores da mellor receita serán proclamados coma os mellores preparando o exquisito peixe do Ulla.}

^{As follas de inscrición poden descargarse da páxina web municipal (https://www.valga.gal/atencion-cidada/impresos-solicitudes) ou recollerse en papel nas oficinas do Concello. Deben entregarse no rexistro debidamente cubertas ata o día 19 de agosto.}

^{O concurso desenvolverase no Parque Irmáns Dios Mosquera entre o xoves 22 e o venres 23 de agosto a partir das 20 horas. Na primeira xornada terán lugar as eliminatorias e día 23 a proba final na que se coñecerán os gañadores.}