- As fervenzas, Mina Mercedes, o río Ulla ou o Parque Dios Mosquera son algúns dos espazos que aparecen nas obras

- Os cadros pintáronos no obradoiro de expresión artística que Ángeles Garrido imparte semanalmente no centro

^{Valga, 16 de xullo de 2024.}

^{"Lugares de Valga" é a exposición que pode verse no Auditorio Municipal durante este verán; unha colección de cadros pintados polos usuarios do CODI sobre lenzo e láminas de madeira.}

^{Os cadros amosan diferentes paisaxes e lugares do noso concello, paisaxes que os autores teñen na súa contorna máis próxima, espazos nos que adoitan pasar o seu tempo de lecer e zonas que lles inspiran e que lles gustan.}

^{As fervenzas, a lagoa Mina Mercedes, o Muíño de Vento de Beiro, os vestixios da antiga liña de vagonetas aéreas de Novo y Sierra, o pantalán no río Ulla, a capela dos Martores, a estatua da Bella Otero no Parque Irmáns Dios Mosquera ou o Auditorio Municipal son algúns dos lugares e infraestruturas que aparecen nas obras.}

^{Os usuarios do CODI elaboraron estes cadros no obradoiro de expresión artística que Ángeles Garrido imparte semanalmente no centro.}