- Teñen como obxectivo reforzar as capacidades da mocidade en ámbitos coma a ciencia, a enxeñaría ou as matemáticas

- Os asistentes aprenderán o funcionamento das placas micro bit e realizarán un proxecto de robótica

^{Valga, 15 de xullo de 2024.}

^{A Aula CeMIT de Valga, que se atopa no Auditorio Municipal, volverá a acoller este verán obradoiros tecnolóxicos dirixidos a nenos e mozos de entre 8 e 15 anos e organizados pola Axencia para a Modernización Tecnolóxica de Galicia (Amtega) en colaboración co Colexio Profesional de Enxeñaría Técnica en Informática.}

^{Serán dúas as sesións prácticas de experimentación tecnolóxica as que se impartan en Valga, no marco do programa Girl Steam, que ten como obxectivo espertar vocacións tecnocienfíticas entre a mocidade, especialmente entre as rapazas, co obxectivo de reducir a fenda de xénero que aínda persiste en ámbitos coma a ciencia, a enxeñaría ou as matemáticas.}

^{Os talleres terán lugar durante os días 21 e 22 de agosto e son gratuítos e a inscrición pode realizarse a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo. ou chamando ao teléfono do Auditorio (986 55 67 69).}

^{En horario de 9:30 a 11:30 poderán participar rapaces de entre 8 e 11 anos e o obradoiro para mozos de 12 a 15 anos desenvolverase a partir das doce do mediodía. Os participantes achegaranse ao funcionamento das placas micro bit, aprenderán a identificar as súas principais funcións e a programalas con diferentes comandos. Tamén traballarán en grupo na construción e programación dun proxecto co kit de robótica co que conta a Aula CeMIT e, para rematar, elaborarán un proxecto libre sobre estruturas realizadas con materiais reciclables como botellas, tarxetas, madeira ou tecidos.}

^{Con esta iniciativa búscase impulsar actividades lúdico-formativas de inmersión tecnolóxica que acheguen aos máis novos, especialmente ás rapazas, ás novas tendencias tecnolóxicas dende idades temperás, para espertar o seu interese por profesión do ámbito das TIC.}