- Os nenos e mozos participaron en actividades organizadas en colaboración co Instituto Galego de Consumo e da Competencia

- Crearon os seus propios xoguetes, realizaron unha xincana e simularon un mercado no que facer a compra

^{Valga, 8 de xullo de maio de 2024.}

^{A Escola de Verán desenvolveu esta mañá unha actividade en colaboración do Instituto Galego de Consumo e da Competencia para concienciar aos cativos e á mocidade sobre a importancia do consumo responsable e sostible dun xeito lúdico e, ao mesmo tempo, instrutivo. Deste xeito, do concepto de ocio responsable, traballáronse diferentes temáticas con varios grupos de rapaces, en función da súa idade.}

^{“Xogueteando” foi a proposta dirixida aos máis cativos, entre 3 e 6 anos, e consistiu na narración dun conto baseado no consumo responsable e na idea principal de que non é preciso empregar moitos xoguetes para gozar do lecer, propoñendo outras alternativas. A continuación, nenos tiveron que crear o seu propio xoguete relacionado co relato: unha bolboreta para a que empregaron materiais coma cartolina, gomets, adhesivos con emoticonas e pinturas para facer a decoración.}

^{Os rapaces de entre 7 e 12 anos participaron na xincana do consumo responsable, con diferentes probas. A primeira relacionada coas tres erres (reducir, reciclar e reutilizar), unha das regras básicas para acadar un consumo sostible. Tamén realizaron un xogo de palabras sobre lecer educativo e unha última proba na que tiñan que recoñecer, entre dúas imaxes, cal dela se correspondía cun consumo responsable.}

^{Por último, os mozos máis maiores crearon un “Mercadoiro”, un mercado con produtos cotiás. Tiveron que facer unha lista da compra e, despois, acudir ao mercado tratando de adquirir o máximo número de produtos polo menor prezo.}

^{A Escola de Verán, que o Concello organiza para favorecer a conciliación das familias durante o período de vacacións escolares, conta neste mes de xullo con arredor de noventa inscritos.}