- Case corenta estudantes asistiron durante este curso ás clases de inglés no Auditorio

- O rexedor felicitounos polos bos resultados animou tanto a mozos coma a adultos a seguir participando nesta actividade formativa

^{Valga, 21 de xuño de 2024.}

^{Os case corenta alumnos que durante este curso asistiron ás clases de inglés que se impartiron no Auditorio Municipal recibiron onte os seus diplomas, un acto no que participaron o alcalde, José María Bello Maneiro, e a concelleira de Educación, Carmen Gómez.}

^{Dende o outono do pasado ano o alumnado, entre os que hai nenos, mozos e tamén adultos, traballou distintas destrezas da lingua inglesa, como gramática, fala e comprensión auditiva, baixo as directrices de María Cobo, do Centro de Idiomas Waterford.}

^{O alcalde aludiu durante o acto á importancia que na actualidade ten o dominio de linguas estranxeiras, especialmente o inglés, por iso animou aos alumnos a continuar perfeccionando este idioma a aproveitar as diferentes alternativas formativas das que dispoñen en Valga. Ademais, fixo un chamamento á veciñanza adulta do concello para que participen tamén nesta actividade, xa que “nunca é tarde para aprender” unha nova lingua.}