- Este servizo é gratuíto para os veciños empadroados en Valga

- Os horarios de apertura son os luns de 8:00 a 15:00 e os xoves de 14:00 a 21:00

^{Valga, 4 de abril de 2024.}

^{Onte cumpriuse un ano dende a reapertura do Punto Limpo e, neste período, as instalacións recibiron un total de 357,81 toneladas de residuos, garantindo o seu tratamento por parte de xestores autorizados e posibilitando a súa reciclaxe e reutilización. Deste xeito, ademais dos beneficios medioambientais, cúmprese tamén cos preceptos recollidos na nova lei de residuos.} 

^{Nos últimos doce meses o Punto Limpo de Valga, situado no lugar de Coto (Campaña) e xestionado directamente polo Concello, recibiu 575 entradas de 348 persoas diferentes das que 322 (o 92’5%) foron veciños de Valga. Entre as cinco parroquias, as que máis aportación fixeron foron Cordeiro e Campaña, as máis próximas ao recinto, seguidas –nesta orde–, por Valga, Xanza e Setecoros.}

^{En canto á tipoloxía de residuos, os máis recollidos foron:}

• ^{260’4 toneladas de escombro, das que 114 foron depositadas por veciños de Valga. O resto corresponden a obras municipais e a residentes noutros concellos.}
• ^{45’02 toneladas de madeira}
• ^{14’11 toneladas de metáis}
• ^{10’02 toneladas de sofás e colchóns}
• ^{9’67 toneladas de grandes electrodomésticos: neveiras e conxeladores principalmente, pero tamén lavadoras, lavalouzas, fornos, vitrocerámicas…}
• ^{7’48 toneladas de plásticos furos (xoguetes, cadeiras e mesas de bar…)}
• ^{4’94 toneladas de pantallas e televisores}
• ^{1’17 toneladas de aceite de motor}
• ^{0’73 toneladas de pilas}
• ^{0’30 toneladas de termos e depósitos de auga}
• ^{0’28 toneladas de fluorescentes de luces LED}

^{O bo funcionamento das instalacións durante o último ano tivo, ademais, repercusión noutros servizos municipais coma a recollida domiciliaria de voluminosos, pasando de superar as 400 recollidas anuais (444 contabilizáronse no ano 2021 e 415 en 2022) e realizar só 348 en 2023. Este descenso foi xeral, en todas as parroquias.}     

^{Servizo gratuíto para os valgueses}

^{O Punto Limpo é un centro de almacenamento selectivo de residuos, principalmente de fraccións non ordinarias para facilitar a súa correcta xestión. O servizo é gratuíto para os veciños empadroados en Valga.}

^{Nas súas instalacións, nas que se executaron nos últimos meses diversas obras de mellora para un mellor funcionamento, poden depositarse:}

^{• Colchóns, mobles e outros voluminosos}

^{• Restos metálicos}

^{• Madeira}

^{• Electrodomésticos e aparellos electrónicos}

^{• Plástico agrícola}

^{• Plástico duro (canalóns, PVC, persianas, tubaxes...)}

^{• Poliespán}

^{• Pintura}

^{• Vidro de ventás, vasos, copas ou espellos.}

^{• Entullos e escombro (pedra, formigón, ladrillo, azulexo, tella ou cerámica)}

^{• Aerosois (baleiros)}

^{• Envases plásticos ou metálicos (baleiros)}

^{• Restos de poda}

^{• Aceite de vehículos}

^{• Aceite de cociña}

^{• Roupa, restos téxtiles e calzado}

^{• Pilas}

^{• Tóner de impresoras}

^{Está aberto os luns de 8:00 a 15:00 horas e os xoves de 14:00 a 21:00. Os usuarios poden, ademais, poñerse en contacto cos responsables da súa xestión a través do teléfono 609 469 709.}