- Os asistentes aprenderon a identificar páxinas inseguras e a neutralizar diferentes riscos que poden atoparse na rede

- A actividade foi impartida por un docente da Amtega experto en ciberseguridade

^{Valga, 22 de marzo de 2024.}

^{Aprender a navegar por Internet coa mellor seguridade, configurar os dispositivos para conseguir unha protección óptima e preservando a privacidade ou reducir e neutralizar os diferentes riscos da rede son algunhas das cuestións que se abordaron, esta mañá, nun obradoiro de ciberseguridade que se desenvolveu na Aula CeMIT.}

^{Esta actividade, promovida pola Axencia para a Modernización Tecnolóxica de Galicia (Amtega) en colaboración co Concello, foi complementaria a unha primeira sesión que xa se impartira no pasado mes de novembro, para reforzar os coñecementos adquiridos naquel momento e sensibilizar aos usuarios das novas tecnoloxías da comunicación e á cidadanía en xeral sobre a importancia da formación en ámbitos coma a protección de credenciais, a navegación segura e, en definitiva, no uso diario dos diferentes dispositivos dixitais que hoxe en día temos ao noso alcance.}

^{David Bascoy, experto na materia, foi o encargado de impartir o obradoiro, que tivo un marcado carácter práctico. As persoas asistentes aprenderon a identificar sitios web inseguros e a xestionar cookies, credenciais e conexións desde dispositivos públicos, entre outras cuestións. Parte da sesión tamén estivo dedicada aos teléfonos móbiles: a súa configuración inicial, a instalación de aplicacións e á adquisición de hábitos seguros cando se empregan conexións inalámbricas ou redes WiFi públicas.}