- O investimento ascende a 54.000 euros e permitirá mellorar a mobilidade na zona

- Parte dos fondos proceden do Plan Marco da Xunta, que trata de mellorar as infraestruturas en zonas rurais

^{Valga, 13 de decembro de 2023.}

^{O Concello está a executar obras de mellora dun camiño no lugar de Barro (Cordeiro) a través da empresa Covsa, que resultou adxudicataria do proxecto, e cunha subvención da Consellería do Medio Rural a través do Plan Marco e do Fondo Europeo Agrícola de Desenvolvemento Rural (Feader). Investiranse na actuación un total de 53.856’30.}

^{Os traballos consisten no acondicionamento do terreo, con ampliación da plataforma e unificación do ancho, e na aplicación dunha capa de aglomerado en quente nunha lonxitude de 430 metros.}

^{Con esta actuación trátase de mellorar a mobilidade dos residentes na zona dotándoos dunha vía pola que poidan circular en condicións de seguridade. Darlle un pulo ás condicións de vida nas aldeas mediante actuacións de mellora e mantemento das infraestruturas viarias é, precisamente, o obxectivo que persegue o Plan Marco.}