- Explicáronlles algunhas estratexias para ter un control das súas finanzas

- Tamén coñeceron algúns dos dereitos que teñen os consumidores para protexerse de prácticas abusivas

^{Valga, 5 de decembro de 2023.}

^{Ademais da aprendizaxe de albanelería e forestais, os participantes no Obradoiro de Emprego “Xóvenes II”, que comparten Valga e Moraña, están a recibir outras formacións complementarias. Un exemplo, taller do que veñen de asistir, centrado na prevención do endebedamento e na resolución de problemas causados polo descontrol das finanzas.}

^{Esta actividade foi impartida por un experto da asociación de consumidores Adicae, co obxectivo de ofrecer información aos mozos para que eviten caer en situacións financeiras difíciles e explicarlles algunhas das medidas e recursos que teñen dispoñibles para protexerse en caso de dificultades económicas, coma a lei de segunda oportunidade.}

^{Os participantes aprenderon algunhas estratexias para frear a acumulación de gastos innecesarios, para ter un control das súas finanzas e para protexerse ante prácticas abusivas que poden ser prexudiciais para eles. Tamén coñeceron cales son os dereitos dos consumidores para facer fronte, por exemplo, a prestamistas e para reducir as débedas.}

^{O Obradoiro "Xóvenes II" é cofinanciado pola Unión Europea mediante o programa FSE+Galicia 2021-2027.}