- Ademais das computadoras, os equipos están formados por tabletas e auriculares

- Tamén se dotou á aula con unha cámara de alta definición, un pen drive de 128GB e un aro de luz

^{Valga, 27 de novembro de 2023.}

^{A Aula CeMIT conta con novo equipamento tecnolóxico que foi instalado pola Amtega (Axencia para a Modernización Tecnlóxica de Galicia) nos últimos días no marco do Plan de Reforma e Ampliación da Rede CeMIT, que trata de impulsar a capacitación dixital da poboación, especialmente nas zonas rurais.}

^{Son un total de catorce equipos os que se instalaron na aula situada na planta soto do Auditorio Municipal, integrados por ordenadores, tabletas e auriculares. Os computadores son all-in-one, que integran todos os compoñentes internos do sistema no monitor, ocupando menos espazo e facéndose máis manexables. Teñen 8GB de memoria e, ademais, webcam incorporada.}

^{Ademais destes equipos, o novo material destinado á aula inclúe un pen drive de 128GB, unha cámara de alta definición, un aro de luz e un chroma key para facer efectos.}

^{Todo este equipamento, súmase aos complementos tecnolóxicos innovadores cos que se dotou á Aula CeMIT nos últimos meses, coma impresora 3D, kits de robótica, drons, gafas de realidade virtual e kits de placas de comunicación e programación.}