- O material foi financiado entre o Concello e a Xunta de Galicia, que concedeu unha subvención

- Barras olímpicas, cinta de correr curva ou bicicleta con resistencia de aire son algúns dos aparellos instalados

^{Valga, 15 de novembro de 2023.}

^{O ximnasio municipal vén de recibir un investimento de 12.000 euros por parte do Concello e da Xunta de Galicia, que concedeu unha subvención dirixida á adquisición de novo material deportivo para modernizar e dinamizar as instalacións.}

^{O equipamento incorporado inclúe:}

• ^{Sete barras olímpicas: permiten traballar con grandes pesos e realizar exercicios específicos como o Hip Thrust. Empréganse, igualmente, na gaiola de parede que tamén se adquiriu.}
• ^{Oito pares de peches para as barras olímpicas, para agarrar os discos cando se colocan nas barras.}
• ^{Trinta e catro discos bumpers que se utilizan nas barras olímpicas.}
• ^{Un soporte para as barras olímpicas.}
• ^{Un soporte para os discos bumpers.}
• ^{Gaiola funcional de parede que dispón de dous racks para press banca e catro barras para traballos con gomas.}
• ^{Un banco plano para empregar na gaiola funcional.}
• ^{Unha cinta de correr curva, sen motor nin gasto de electricidade. Reproduce un movemento natural á hora de correr, con menos impacto para os xeonllos e con posibilidade de variar o ritmo de carreira sen necesitade de premer ningún botón.}
• ^{Air Bike (bicicleta con resistencia de aire), para traballo simultáneo de pernas e brazos. Conta cun ventilador que provoca a resistencia a vencer.}
• ^{Skierg (máquina de simulación de esquí con resistencia de aire), que imita o traballo durante a práctica de esquí de fondo. Con ela realízase traballo cardiovascular con predominancia do tren superior.}
• ^{Un banco de Hip Thrust, unha das adquisicións máis demandadas. Trátase de un dos mellores exercicios para moldear glúteos e cadeiras.}
• ^{Un xogo de kettlebells (pesas rusas) de competición, que se empregan, por exemplo, para exercicios específicos de adestramento funcional e crosstrining.}
• ^{Un soporte para kettlebells.}

^{O ximnasio municipal, que se atopa no pavillón de Cordeiro, abre de luns a venres de 7:00 a 22:30 e os sábados de 10:00 a 18:00, con atención presencial de 9:30 a 12:30 e de 18:00 a 22:30. Ofrece plans de adestramentos personalizados con explicación dos exercicios, adestramentos funcionais orientados a musculación, queima de calorías, preparación de probas físicas, mellora de posturas ou prevención de lesións, entre outros obxectivos.}

^{Con este novo material ofrecerá aos usuarios unha mellora deportiva notable. Os deportivas federados que empregan as instalacións terán máis opcións de adestramentos específicos, e os usuarios afeccionados poderán probar novas alternativas.}

^{A programación do recinto deportivo inclúe sesións de ximnasia de mantemento, ioga, clases de tonificación, pilates, zumba, cursos de patinaxe en liña e voleibol para nenos de e mozos de 8 a 16 anos. Tamén se pode alugar a pista do pavillón polideportivo. Para máis información sobre estas actividades, o teléfono de contacto é o 619 922 911.}