- Esta mañá estivo nos exteriores da Casa do Concello e a partir das 16 horas trasládase ao Auditorio

- A estancia en Valga continúa durante a xornada de mañá para chegar un maior número de veciños

^{Valga, 18 de abril de 2018.}

^{O punto informativo da campaña “O que se enchufa, reclícase”, promovida pola Consellería de Medio Ambiente e Ordenación do Territorio, está dende esta mañá en Valga para promover entre os veciños a reciclaxe de aparellos eléctricos e electrónicos e así contribuír a combater os efectos negativos do vertido incontrolado destes residuos. Durante a mañá, de 11 a 14 horas, o punto informativo estivo emprazado nos exteriores da Casa do Concello e pola tarde, de 16 a 19 horas, trasládase ao Auditorio Municipal.}

^{Esta campaña, que está a percorrer toda Galicia, quere concienciar á poboación sobre a necesidade de reciclar estes materiais de refugallo para lograr incrementar as cotas de reciclaxe dos residuos de aparellos eléctricos e electrónicos. Un dos principais obxectivos desta iniciativa de sensibilización é combater os efectos negativos do vertido incontrolado dos residuos de aparellos eléctricos e electrónicos, especialmente os máis pequenos, eliminar as prácticas ilegais asociadas á súa xestión e informar á cidadanía sobre a importancia do correcto tratamento do refugallo mediante unha tripla acción: reparar, reutilizar e reciclar.}

^{Así, o persoal do stand informa á veciñanza sobre os puntos de reciclaxe máis próximos aos que poden levar os seus aparellos eléctricos e electrónicos inservibles para destinalos á reciclaxe. Esta categoría abarca todo tipo de aparellos que se enchufan ou funcionan con pilas, tamén cables ou regretas, entre outros.} 

^{En Valga atópase un destes puntos de reciclaxe, emprazado no CODI, a onde poden levarse todo tipo de aparellos eléctricos e electrónicos (excepto televisores e pantallas, que teñen que deixarse no Punto Limpo). Alí desmóntanse e clasifícanse os distintos materiais que, despois, son recollidos por un xestor autorizado.}

^{O punto informativo de “O que se enchufa, recíclase” seguirá mañá en Valga, nos mesmos emprazamentos e cos mesmos horarios, co obxectivo de chegar ao meirande número de veciños.}