- As persoas interesadas en asistir poden anotarse no Auditorio Municipal

- A aula centra a súa actividade na alfabetización dixital e na promoción das novas tecnoloxías

^{Valga, 28 de setembro de 2023.}

^{A Aula CeMIT, na que se desenvolven actividades gratuítas relacionadas coas novas tecnoloxías da información e da comunicación, ten aberto o prazo de inscrición nunha serie de cursos e seminarios que se impartirán ao longo das vindeiras semanas e que ofrecerán formación en eidos coma o da informática, a fotografía, a telefonía móbil ou a robótica.}

^{A listaxe de actividades programadas son:}

• ^{Curso de iniciación á informática}
• ^{Sácalle partido ao teu móbil}
• ^{Robótica para séniors}
• ^{Realiza trámites coa administración electrónica}
• ^{Curso sobre Ebooks}
• ^{Retoque de fotografías.}

^{As datas de inicio aínda non están fixadas, pero si o horario das clases: de 10 a 11:30 horas. As persoas interesadas en asistir a calquera destas actividades poden inscribirse no Auditorio Municipal.}

^{A Aula CeMIT de Valga forma parte da rede de centros para a modernización e inclusión tecnolóxica da Xunta que ten como obxectivo a vertebración territorial e social de Galicia, en especial naqueles lugares nos que a fenda dixital é máis notoria, impulsando, potenciando e difundindo coñecementos sobre as novas tecnoloxías mediante actividades formativas no campo da alfabetización dixital e o emprendemento.}