- As clases de inglés, de dúas horas semanais, impartiranse no Auditorio os martes e xoves

- A reserva de praza pode facerse a través de correo electrónico ou no teléfono 986 851 225

^{Valga, 22 de setembro de 2023.}

^{A Escola Municipal de Idiomas retomará a súa actividade a comezos do mes de outubro con cursos de inglés que impartirá no Auditorio o Centro de Idiomas Waterford e nos que poden participar todas as persoas, a partir de 5 anos de idade, interesadas en mellorar o seu nivel nesta lingua estranxeira, tanto por motivos académicos coma laborais ou outros.}

^{O prazo de matrícula está aberto para nenos, mozos e adultos, que teñen que cubrir a folla de solicitude (pode descargarse na ligazón https://www.valga.gal/atencion-cidada/impresos-solicitudes) e enviala por correo electrónico a Este enderezo de correo está a ser protexido dos robots de correo lixo. Precisa activar o JavaScript para velo.. Tamén se pode obter información sobre o trámite nos teléfonos 986 851 225 e 698 133 512.}

^{O curso dará comezo o día 1 de outubro e rematará a finais de xuño de 2024, con pequenos períodos vacacionais en Nadal e Semana Santa, coincidindo co horario escolar. As clases son de dúas horas semanais e nelas faise especial énfase no aspecto oral para darlle un enfoque máis práctico á aprendizaxe do idioma, así como á preparación do alumnado para a obtención dalgún certificado oficial que recoñeza o nivel adquirido. O prezo é de 45 euros mensuais para persoas empadroadas en Valga e de 50 para veciños doutros concellos.}

^{Centro de Idiomas Waterford ten una ampla traxectoria na impartición de cursos de Inglés a todos os niveis e conta con profesorado especializado. É, ademais, centro examinador oficial de Trinity College London e tamén centro preparador oficial de Cambridge University, orientando aos estudantes cara a obtención dos certificados PET (B1) ou FIRST (B2). Estes exames avalían o nivel das competencias tanto orais como escritas dos alumnos e están recoñecidos polas institucións educativas. Do  mesmo xeito, prepara aos rapaces máis novos para a obtención dos certificados expedidos por Trinity College of London.}