- Os produtos repartiranse entre veciños e familias de Valga en situación de vulnerabilidade

- Os obradoiros e showcookings foron gratuítos, pero tiñan un carácter solidario

^{Valga, 31 de agosto de 2023.}

^{As actividades organizadas polo Concello de Valga e por Indo e Vindo Gastronomía na terceira edición do “Agosto Gastronómico” conseguiron reunir 260 quilos de alimentos para axudar ás familias en situación de vulnerabilidade do municipio.}

^{Fran Jamardo, Coque Fariña e Rocío Garrido, integrantes de Indo e Vindo, fixeron entrega dos alimentos ao Concello nun acto que tivo lugar no Centro de Interpretación da Caña do País e ao que asistiron a segunda tenente de alcalde, Carmen Gómez, e o concelleiro de Cultura, Pedro Calvo.}

^{Os produtos non perecedoiros foron aportados polos participantes nas diferentes actividades, que eran gratuítas pero tiñan un carácter solidario. Os catro showcookings de receitas con anguía, pratos con caña e cócteles contaron cuns 120 asistentes, aos que hai que sumar outra trintena de nenos que acudiron ao obradoiro de cociña.}

^{Entre os alimentos doados hai pasta, legumes, conservas, arroz, azucre, leite, aceite, fariña, galletas e salsa de tomate, entre outros produtos de primeira necesidade. Todos serán clasificados e almacenados polo departamento municipal de Servizos Sociais para o seu reparto entre as familias sen recursos, en situación ou risco de exclusión.}

^{Os repesentantes do Concello agradecer tanto aos participantes e doadores coma aos cociñeiros de Indo e Vindo Gastronomía a súa solidariedade e implicación, que permitirá “axudar a moitos veciños de Valga que o necesitan”.}