- Os equipos deben estar formados por catro persoas, podendo participar tanto nenos coma adultos

- As eliminatorias terán lugar o día 17 e a gran final o 18 de agosto no Parque Irmáns Dios Mosquera 

^{Valga, 31 de xullo de 2023.}

^{Valga busca a parroquia do concello que na que mellor se cociña anguía a través do concurso “Anguía Chef”, que mañá abre o prazo de inscrición para os equipos participantes.}

^{Cinco grupos, un de cada parroquia, enfrontaranse en probas eliminatorias e competirán por clasificarse para a final e acadar o título de ser os mellores cociñeiros do exquisito peixe do Ulla. Os equipos deben estar compostos por catro persoas de calquera idade, tanto nenos como adultos, e só se admitirá un equipo de cada parroquia por orde de inscrición. De anotarse máis, os outros quedarán en lista de espera por se non se completaran todas as prazas.}

^{As follas de inscrición poden descargarse da páxina web municipal (https://www.valga.gal/atencion-cidada/impresos-solicitudes) ou recollerse en papel nas oficinas do Concello. Deben entregarse no rexistro debidamente cubertas ata o día 11 de agosto.}

^{O concurso desenvolverase no Parque Irmáns Dios Mosquera entre o xoves 17 e o venres 18 de agosto a partir das 20 horas. O día 17 terán lugar as eliminatorias e o 18 a proba final na que se decidirá o gañador.}