- Os patinadores amosaron as súas destrezas e realizaron piruetas e figuras en varios bailes grupais e en parella

- Aínda hai prazas para participar na Escola de Verán, que se prolongará ata o mes de agosto

^{Valga, 6 de xullo de 2023.}

^{A Escola Municipal de Patinaxe clausurou o curso cunha exhibición que tivo lugar no pavillón de Baño e na que participaron os 75 nenos e mozos de entre 3 e 21 anos que durante os últimos meses asistiron ás clases impartidas por Olalla Pérez.}

^{No transcurso da gala, os patinadores realizaron bailes grupais, un de parella mixta e, os de maior nivel, demostraron as súas destrezas en varios “bailes de show”.}

^{Foron tres os grupos que se formaron durante o curso que acaba de rematar, no que os afeccionados á patinaxe artística practicaron diferentes niveis deste deporte e aprenderon novas figuras, saltos e piruetas. As clases continúan tamén durante o período de vacacións, cunha Escola de Verán que arrancou esta semana e que se prolongará ata agosto. Nela realizaranse actividades similares ás de todo o curso, pero tamén haberá unha parte dedicada ao traballo físico sen patíns.}

^{As sesións impártense os martes e xoves de 10:00 a 12:00 e os venres de 11:00 a 13:00 horas no pavillón de Baño. Poden participar nenos a partir de 3 anos de idade e aínda hai prazas libres. Se algún está interesado en incorporarse, pode chamar ao teléfono 645 573 561.}