- Mantéñense dúas dedicacións exclusivas e dúas parciais e os Plenos celebraranse os últimos luns dos meses pares

- Os novo edil do grupo de goberno, Álvaro Fernández, asume as competencias de Protección Civil, Seguridade e Interior

^{Valga, 30 de xuño de 2023.}

^{A nova Corporación municipal saída das eleccións do pasado mes de maio celebrou onte un Pleno extraordinario para establecer a organización pola que se rexerá o Concello durante o mandato 2023-2027.}

^{Os puntos incluídos na orde do día foron os seguintes:}

^{Constitución dos grupos políticos e designación dos seus voceiros}

• ^{Grupo municipal do Partido Popular (Voceiro: Román Castro Castromán)}
• ^{Grupo municipal do PSdeG-PSOE (Voceira: María Ferreirós Magariños)}
• ^{Grupo municipal do BNG (Voceiro: Francisco Devesa Senín)}

^{Periodicidade das sesións plenarias (aprobado cos votos a favor do grupo do PP e do BNG e en contra do PSOE)}

^{As sesións ordinarias celebraranse o último luns dos meses pares ás 20:10 horas. Non se celebrarán sesións nos meses de agosto e decembro, trasladándose estas a setembro e novembro.}

^{Dar conta do nomeamento dos tenentes de alcalde, aos que lles corresponde substituír ao alcalde na totalidade das súas funcións e pola orde do seu nomeamento no caso de ausencia ou impedimento que imposibilite a este para o exercicio das súas atribucións.}

• ^{Román Castro Castromán}
• ^{Carmen Gómez Pardal}
• ^{José Ángel Souto Jamardo}
• ^{Begoña Piñeiro Busto}

^{Dar conta do nomeamento dos membros da Xunta de Goberno Local, que celebrará sesión ordinaria con periodicidade semanal.}

• ^{Román Castro Castromán}
• ^{Carmen Gómez Pardal}
• ^{José Ángel Souto Jamardo}
• ^{Begoña Piñeiro Busto}

^{Dar conta das delegacións específicas aos concelleiros da Corporación}

• ^{Román Castro Castromán: Obras, Servizos, Urbanismo, Medio Ambiente e Desenvolvemento Rural}
• ^{Carmen Gómez Pardal: Educación, Formación, Emprego e Industria}
• ^{José Ángel Souto Jamardo: Economía, Facenda, Contas e Patrimonio}
• ^{Begoña Piñeiro Busto: Sanidade, Benestar Social e Igualdade}
• ^{Malena Isorna Sumay: Turismo, Novas Tecnoloxías e Escola de Música}
• ^{Pedro Calvo Blanco: Cultura e Xuventude}
• ^{Álvaro Fernández Abalo: Protección, Civil, Seguridade e Interior}
• ^{Manuel Ferreiro Maneiro: Deportes}

^{Creación das Comisións Informativas (aprobado cos votos a favor do grupo do PP, en contra do PSOE e abstención do BNG)}

• ^{Comisión Informativa de Réxime Especial de Contas, Economía, Facenda e Patrimonio}
• ^{Comisión Informativa de Obras, Servizos, Urbanismo e Desenvolvemento Rural}
• ^{Comisión Informativa de Sanidade, Igualdade e Benestar}
• ^{Comisión Informativa de Educación, Formación, Emprego e Industria}
• ^{Comisión Informativa de Medio Ambiente, Protección Civil, Seguridade e Interior}
• ^{Comisión Informativa de Cultura, Deportes, Xuventude e Turismo}

^{As comisións estarán compostas por tres concelleiros do grupo municipal do PP, un do grupo do PSdeG-PSOE e un do BNG.  As sesións celebraranse os luns, martes, mércores e xoves ás 13:10 horas.}

^{Creación das Comisións de Coordinación (aprobado cos votos a favor do grupo do PP e en contra do PSOE e do BNG)}

^{Estarán integradas polo alcalde e os concelleiros delegados e celebrarán sesións ordinarias con carácter semanal.}

^{Nomear aos representantes do Concello nos órganos colexiados (aprobado cos votos a favor do grupo do PP e abstención do PSOE e do BNG)}

• ^{Representante no CEIP Plurilingüe Baño-Xanza, no CRA e no IES: Carmen Gómez Pardal (suplente Begoña Piñeiro Busto)}
• ^{Representante no CEP Plurilingüe Xesús Ferro Couselo: José Ángel Souto Jamardo (suplente Malena Isorna Sumay)}

^{Determinación dos postos de persoal eventual (aprobado cos votos a favor do grupo do PP e en contra do PSOE e do BNG)}

^{Designación dun posto de Responsable de Novas Tecnoloxías e Comunicacións}

^{Determinación dos cargos con dedicación (aprobado cos votos a favor do grupo do PP, en contra do PSOE e abstención do BNG)}

• ^{Dedicacións exclusivas: as concelleiras delegadas de Educación, Formación, Emprego e Industria e de Sanidade, Benestar Social e Igualdade, cunha retribución de 1.400 euros mensuais}
• ^{Dedicacións parciais: o concelleiro de Cultura e Xuventude e a concelleira de Turismo, Novas Tecnoloxías e Escola de Música, cunha retribución de 700 euros mensuais.}

^{Determinación das asistencias dos membros da Corporación a órganos colexiados e indemnizacións a percibir (aprobado cos votos a favor do grupo do PP e en contra do PSOE e do BNG)}

• ^{Pleno: 85 euros/sesión cada membro}
• ^{Xunta de Goberno Local e Comisións de Coordinación: 100 euros/sesión cada membro}
• ^{Comisións Informativas: 55 euros/sesión cada membro}
• ^{Mesas de contratación: 55 euros/sesión cada membro}
• ^{O presidente dos respectivos órganos colexiados percibirá, a maiores, 50 euros por sesión}